Қозоғистондан “Сирдарё” чегара божхона пости орқали кириб келаётган “MERCEDES BENZ” юк транспорт воситаси кўздан кечирилганида...
@Sirdaryo
2019 йил 23 июнь куни СВББ “Сирдарё” чегара божхона пости орқали Қозоғистондан Ўзбекистонга “MERCEDES BENZ ” русумли юк транспорт воситасини бошқариб кириб келган Ўзбекистон фуқароси С.Б. билан оғзаки савол-жавоб қилингандан сўнг унинг бошқарувидаги юк автотранспорт воситаси холислар иштирокида божхона кўригидан ўтказилганида, юк кузатув хужжатларида ва йўловчи божхона декларациясида кўрсатилмаган, оғзаки савол-жавобда маълум қилинмаган 8 хил турдаги умумий нархи 5.1 миллион сўмлик бўлган: 1 дона оғир юк кўтарадиган домкрат, 3 дона “Scooter” номли самокат, 1 жуфт “LIVERGY” номли эркаклар этиги, 1 жуфт эркаклар шиппаги, 1 жуфт “Nio Nio” номли аёллар туфлиси, 1 жуфт “MSMG” номли аёллар оёқ кийими, 2 жуфт “Queen vivi” номли аёллар туфлиси ва 4 жуфт “BellaParis” номли аёллар туфлиси товар-моддий бойликларини Ўзбекистон Республикаси Президентининг 06.02.2018 йилдаги ПҚ-3512-сонли, Ўзбекистон Республикаси Вазирлар Маҳкамасининг 22.06.2018 йилдаги 463-сонли ва 16.10.2018 йилдаги 828-сонли қарорларида белгиланган меъёр талабларини бузган холда Ўзбекистонга олиб кираётганлиги аниқланди.
Хозирда холат юзасидан суриштирув ишлари олиб борилмоқда.
Сирдарё вилояти божхона бошқармаси Жамоатчилик ва оммавий ахборот воситалари билан алоқалар гурухи