Мексикада 447 та ер силкиниши қайд этилди: қурбонлар бор

Сешанба куни Мексика жанубида 7,5 магнитудали зилзила бўлди. Ерости силкинишларининг эпицентри Оахако штати Крусесита шаҳридан 23 километр жанубда қайд этилган.

Миллий сейсмология хизмати маълумотларига кўра, маҳаллий вақт билан 14:30 гача 447 та такрорий зилзила қайд этилган. Энг кучлиси 4,6 магнитудали бўлган.

HUMO bilan Misrga sayohat qiling! ✈️

Оахака штати ҳудудида 6 та ўлим қайд этилди, 4 киши жароҳатланган. 3 та федерал ва 5 минтақавий автомагистралларда кўчки, 500 та қурилма ва 15 та тиббиёт муассасаси, шунингдек, 4 та археологик ҳудудда зарарланиш аниқланган, деб хабар берди «Xabar.uz».

Зилзила мамлакатнинг 11 та штатида билинган, бироқ улардан ўнтаси — Чиапас, Герреро, Морелос, Табаско, Веракрус, Пуэбла, Мичоакан, Тласкала, Идальго ва Мехико жиддий вайроналар ҳақида маълум қилмаган. Шу билан бирга, фуқаро муҳофазаси миллий бошқармаси хабарига кўра, 30 киши турли даражада жароҳат олган.