Олимлар коронавирусни уй шароитида даволаса бўладиган ингаляторни ихтиро қилишди
@SirdaryoБританияда Саутгемптон университети олимлари коронавирусни мустақил даволаш учун мўлжалланган ингаляторни кашфт этишди. Бу ҳақда «Xabar.uz» хабар бермоқда.
Таъкидланишича, қурилма касалликнинг эрта босқичида терапия учун мўлжалланган. Тадқиқот муаллифларининг сўзларига кўра, агар COVID-19 вақтида даволанилса, ўта жиддий асоратларнинг олдини олиш мумкин.
Ингалятор ёрдамида экспериментал дори воситаси қўлланилади. Бемор нафас олганда дори ўпкага тушиб, иммун тизимнинг инфекцияларга қарши курашишига ёрдам беради. Олимларнинг айтишича, SNG-001 номли препарат дори ўрнида фойдаланилади. У майда чанг зарраларидан иборат бўлиб, ўпкага чуқур кира олади.
Тадқиқот чоғида ингалятор коронавируснинг илк аломатлари пайдо бўлгандан сўнг 72 соат давомида беморларга берилади.