Профилактик ҳисобида турган ёшлар билан ишлаш мақсадида психологик-реабилитатсион лойиҳаси доирасида тренинглар ташкил этилди
Sirdaryo Xabarlari
Ёшлар ойлиги муносабати билан Ёшлар иттифоқи муассислигидаги “Ёшларга ижтимоий-психологик хизмат коʻрсатиш маркази” ННТ ҳамда Ёшлар иттифоқи Сирдарё вилояти Кенгаши томонидан “Вояга етмаганлар" орасида ҳуқуқбузарликни олдини олиш, ички ишлар идораларида профилактик ҳисобида турган ёшлар билан ишлаш мақсадида психологик-реабилитатсион лойиҳаси” доирасида тренинглар ташкил этилди. Унда Марказнинг 10 нафар психологи иштирок этди.
Гулистон шаҳридаги 16 умум таълим мактабида ташкил этилган лойиҳага ички ишлар идораларида профилактик ҳисобида турган ёшларнинг 100 нафари жалб этилди. Тренинглар иштирокчиларни 5 гуруҳга ажратган ҳолда арт-терапия усулида оʻтказилди. Жаҳон психологлари тажрибасидан маълумки, тарбияси огʻир болаларда арт-терапия усулидан фойдаланган ҳолда тренинг оʻтказиш улардаги стрессни енгиб оʻтишда ижобий натижа беради. Шунингдек, тренинглар давомида ёшлар оʻртасида ташхислаш ва психо-коррексион ишлар амалга оширилди.
Анвар Тўйчиев
Ўзбекистон ёшлар иттифоқи Сирдарё вилоят кенгаши матуот котиби