ДОКТОРЛИК ҲИМОЯ ҚИЛИНДИ

Бухоро давлат университети ҳузуридаги илмий даража берувчи PhD.03/30.12.2019.B.72.02 рақамли бир марталик илмий Кенгашда Гулистон давлат университети таянч докторанти Фароғат Эргашева биология фанлари докторлари, профессорлар Ҳабиб Қўшиев ва Шунқор Хушматовлар илмий раҳбарлигида “Маҳаллий анор (Punica Granatum L.) навларининг физиологик – биокимёвий, фармакологик хусусиятлари ва микроколонлаш истиқболлари” мавзусидаги биология фанлари бўйича фалсафа доктори (PhD) диссертациясини онлайн шаклда Гулистон давлат университети кичик мажлислар залида муваффақиятли ҳимоя қилди.

Диссертациянинг аҳамияти, илмий янгилиги ҳақида биология фанлари докторлари Азат Матчанов, Илхам Курбанбаевлар юқори баҳо бердилар.

Гулистон давлат университети яна бир биология фанлари доктори билан бойиди.

Р.Маҳмудов,
Матбуот котиби