“Ёш фермерлар инновацион ривожланиш йўлида”
Sirdaryo XabarlariЁшлар ойлиги доирасида Ўзбекистон ёшлар иттифоқи Оқолтин туман Кенгаши, Ўзбекистон ёш фермерлари Кенгаши Сирдарё вилояти ҳудудий бўлими билан ҳамкорликда ёш фермерлар ҳамда ишсиз, жазони ижро этиш муассасасидан қайтган ёшлар иштирокида “Ёш фермерлар инновацион ривожланиш йўлида” мавзусида агросаёхат ташкил этилди.
Агросаёхатнинг асосий мақсади ёш фермерларнинг кўп тармоқли фаолият турлари билан шуғилланишлари, улардан янада кўпроқ фойда олишлари ва янги иш ўринларини яратишлари ҳамда ишсиз ёшларни касб-ҳунарга ўргатиш, уларни туяқушчилик фаолияти билан шуғулланишларига кўмаклашишдан иборат.
Агросаёхат давомида 21 нафар ёшлар “Sirdaryo Oqoltin Straus” фермер хўжалиги раҳбари ёш фермер Тошпўлатов Дониёр фоалияти билан яқиндан танишдилар.
- “Фермер хўжалигимизда бугунги кунда жами 60 та туяқуш парваришлаб келинмоқда. Улардан 37 нафари вояга етган ва катта туяқушлардир. Улар хар икки кунда биттадан тухум беришади, тухумларини ўзини мўмайгина пулга сотябмиз” дейди ёш фермер Дониёр Тошпўлатов.
“Мазкур агросаёхат бизга жуда катта тажриба дарси бўлди. Сабаби биз эндиликда туяқушларни парваришлаш, улардан яхши даромад олишни ўргандик” дейди - Т.Боймуродов.
Анвар Тўйчиев
Ўзбекистон ёшлар иттифоқи Сирдарё вилоят кенгаши матуот котиби