Тошкент вилоятида 19 ёшли йигит каналга чўкиб кетди.
@SirdaryoЖорий йилнинг 9 июнь куни Тошкент вилоятининг Ўртачирчиқ туманида яшаган 19 ёшли Д.А. Олтиўғил маҳалласидан оқиб ўтувчи “Ўртачирчиқ-Оққўрғон” каналида чўмилаётиб, эҳтиётсизлиги оқибатида сувга чўкиб кетган.
Бу ҳақда хабар берган Ўзбекистон Республикаси ИИВ Жамоатчилик ва ОАВ билан алоқалар бошқармаси, аҳолига мурожаат билан чиқди:
Ҳурматли фуқаролар Ёзнинг иссиқ ва жазирама кунларида тақиқланган ёки белгиланмаган жойларда чўмилмаслигингизни, белгиланган жойларда чўмилган вақтингизда ҳам хавфсизлик чора-тадбирларига амал қилишингизни сўраб қоламиз.
Эслатиб ўтамиз, аввал Янгиер шаҳрида ёш боланинг чўкиб кетганлиги ҳақида хабар берган эдик, огоҳ бўлинг!