Чирчиқ дарёси бўйида «Янги Тошкент» қурилиши мумкин (видео)

Буюк Британиядаги Benoy архитектура компанияси Чирчиқ дарёси бўйида қурилиши мумкин бўлган «Янги Тошкент» лойиҳасини эълон қилди. Унга кўра «янги пойтахт» 20 минг гектар майдонда жойлашиши ва унда 2 миллион аҳоли яшаши кўзда тутилган. Бу ҳақда Британия компаниясига асосланиб «xabar.uz» хабар бериб ўтди.

Британиялик мутахассислар «Янги Тошкент»да ҳукумат квартали, бизнес марказ, хорижий давлатлар элчихоналари, янги аэропорт ва бошқа бинолар бўлишини таклиф қилмоқда. «Янги Тошкент» ва «Эски Тошкент» ўртасида «New Tashkent Island» ороли жойлаштирилади.