Эктор Купер эълон қилган рўйхатида Сирдарёлик Хошимов ва Алибоев жой олди
Sirdaryo Xabarlari
Хабарингиз бор, Ўзбекистон миллий терма жамоаси ФИФА кунлари доирасида 28 май – 12 июнь кунлари навбатдаги йиғинини ўтказади деб хабар бермоқда ЎзА.
Мазкур йиғин доирасида терма жамоамиз аъзолари учта ўртоқлик ўйинида майдонга тушиши режалаштирилган. Жумладан, вакилларимиз 2 июнь куни Анталья шаҳрида Туркия терма жамоаси билан, 7 ва 11 июнь кунлари эса Тошкентда КХДР ва Сурия терма жамоалари билан куч синашади.
Бугун терма жамоамиз устози Эктор Купер мазкур ўйинларга жалб этилган футболчилар рўйхатини эълон қилди. Рўйхатдан 25 нафар футболчи жой олган:
Дарвозабонлар:
Санжар Қувватов («Пахтакор»)
Жавоҳир Илёсов («Локомотив»)
Элдор Суюнов («Пахтакор»)
Ботирали Эргашев («Динамо»)
Ҳимоячилар:
Егор Кримец («Пахтакор»)
Анзур Исмоилов («Локомотив»)
Достонбек Турсунов («Ренофа Ямагучи», Япония)
Ислом Тўхтахўжаев («Локомотив»)
Олег Зотеев («Локомотив»)
Фаррух Сайфиев («Пахтакор»)
Акромжон Комилов («Пахтакор»)
Даврон Ҳошимов («Локомотив»)
Ҳожиакбар Алижонов («Пахтакор»)
Ярим ҳимоячилар:
Одилжон Ҳамробеков («Пахтакор»)
Одил Аҳмедов («Шанхай СИПГ», Хитой)
Фозил Мусаев («Жубило Ивата» Япония)
Икром Алибоев («Сеул», Жанубий Корея)
Остон Ўрунов («Навбаҳор»)
Жалолиддин Машарипов («Пахтакор»)
Достон Ибрагимов («Бухоро»)
Қувондиқ Рўзиев («Қўқон-1912»)
Сардор Мирзаев («Локомотив»)
Ҳужумчилар:
Элдор Шомуродов («Ростов», Россия)
Игорь Сергеев («Пахтакор»)
Темурхўжа Абдухолиқов («Локомотив»)
Таркибга эътибор қаратсак, бир қатор янги номларни учратиш мумкин. Чунончи, Остон Ўрунов, Достон Ибрагимов, Қувондиқ Рўзиевлар илк бора мамлакат бош жамоасидан чақирув олди. Шунингдек, узоқ муддатли танаффусдан кейин Темурхўжа Абдуҳолиқов яна терма жамоага чақирилди.
Легионерларимиздан Достон Турсунов ҳамда Икром Алибоев Туркияга қарши ўйинда иштирок этолмайди. Улар ўз клублари таркибида миллий чемпионат ўйинларини ўтказишиб, фақат 3 июнь куни Ўзбекистонга етиб келади. Кейин терма жамоа билан биргаликда КХДР ва Сурияга қарши ўйинларга тайёргарлик кўришади.