Қашқадарё вилояти ФВБ: қутқарувчилар кўпқаватли уйга кириб олган илонни олиб чиқишди

Бу ҳақда Фавқулодда вазиятлар вазирлиги ахборот хизмати хабар бермоқда.

"Ушбу воқеа Қарши шаҳридаги 5 микрорайонда юзага келди. А.Х. исмли фуқаро вилоят ФВБ навбатчилик қисмига уйига илон кириб олганлиги ҳақида маълум қилган. Қутқарувчилар саноқли дақиқаларда, зудлик билан воқеа жойига етиб бордилар ва “чақирилмаган меҳмон”ни тутиб, хавфни бартараф қилдилар" - дейилади хабарда.