Боёвут туманига Сардоба сув омбори ҳудудидан эвакуация қилинган 60 та оила қабул қилинди.

Бугун 1 май куни соат 05:55 да Сирдарё вилоятида жойлашган “Сардоба” сув омбори дамбасининг 6 пикет деворида сув чиқиши юзага келган эди.

Мазкур вазият оқибатларини бартараф этиш мақсадида аҳоли эвакуация қилинмоқда.

Боёвут туманига Сардоба, Оқолтин ва Мирзаобод туманларидан эвакувация қилинган аҳоли 60 та оила (267 нафар фуқаро) қабул қилинди. Эвакувация қилинганлар тумандаги 57 та хонадонга жойлаштирилди.

Ундан ташқари тумандаги “Марварид” тўйхонасида дош қозонда ош дамланиб, эвакуация қилинганлар жойлаштирилган манзилларга етказиб берилмоқда.

Жумладан, Мирзаобод туманидаги ҳарбий қисмга ҳамда Гулистон шаҳридаги Олимпия заҳиралари мактаб-интернатининг ётоқхонасига жойлаштирилган аҳолининг тушлиги учун 100 кг ош етказиб берилди.

Боёвут тумани ҳокимлиги Ахборот хизмати