ЯХШИДАН БОҒ ҚОЛАР....
@Sirdaryo
Юртимизда баҳор нафаси кезаётган шу кунларда шаҳар ва қишлоқларда, кўча ва хиёбонларда олиб борилаётган ободонлаштириш, кўкаламзорлаштириш ишлари кўлами тобора кенгаймоқда.
Кейинги йилларда мамлакатимизда табиатга бўлган муносабатнинг тубдан ўзгараётгани бу борадаги маданиятни юксалтиришга, одамлар қалбида табиат бойликларига меҳр-оқибат ҳиссини мустаҳкамлашга хизмат қилаётгани билан аҳамиятли бўлмоқда. Жумладан Сирдарё вилоятида "Биз яхшилик занжирининг биримиз" ҳамда "Бир миллион дарахт" акциялари бўлиб ўтмоқда.
Бугун Сирдарё туманини ободонлаштириш ва кўкаламзорлаштиришда ҳам кўзга кўринарли бир қатор ишлар амалга оширилди.
Тумандаги "Зиёкор" маҳалласида кўркам боғ яратилди. М-34 йўли ва темир йўл бўйи оралиғларида манзарали ва мевали кўчатлар экилмоқда.
Шунингдек яратилган боғдаги кўчатларни асраб-авайлаш ва парваришлаш мақсадида енгил конструкцияли кўчма кўзатув пунктлари ташкил этилиб, боғга бириктирилган боғбонлар учун барча шарт-шароитлар яратилмоқда.
Туманимизда яратувчанлик ишлари давом этади.....
Сирдарё туман ҳокимлиги Ахборот хизмати.