“Яшил кўчат” акцияси давом этмоқда
@hokimiyatpress
Халқимизда азалдан кўчат экиб, боғ яратган инсонлар улуғланган. Баҳор эшик қоқаётган шу кунларда ҳар бир киши яратувчанликга ўзида иштиёқ сезади. Бу иштиёқ эса эртанги кунга замин тайёрлайди.
Вилоятимиз ҳокими Ғофуржон Мирзаев ташаббуси билан вилоятимизда “Яшил кўчат ” акцияси эълон қилинди.
Акцияда ёшу қари барча бирдек иштирок этиб, манзарали ва мевали дарахтлар экишмоқда. Бу акция “Яшил кўчат” дея номланиб, турли хил дарахт кўчатлари ўтқазилмоқда. Вилоятимизда айни вақтга қадар 103 мингдан ошиқ туп кўчат ўтқазилди ва бу акция давом этмоқда.
Бугундан старт берилган ушбу акцияда вилоятдаги барча корхона, ташкилот ва муассасалар фаол иштирок этмоқда.
Вилоятимиз аҳолисини ушбу акция давомида фаол иштирок этишга чақирамиз!