"КЎЧАТ ЭКИШ" АКЦИЯСИ
@SirdaryoБугун Сирдарё вилоятида “Кўчат экиш” акцияси бошлаб юборилиб, айни пайтда давом этмоқда. Акция давомида вилоятнинг турли қисмларида арча, сосна дарахтлари экилмоқда.
Шу жумаладан Сайхунобод туманида ҳам режадаги беш минг туп дарахт экиш режасини етмиш фоизи экиб бўлинди.
Эслатиб ўтамиз акция давомида вилоятимиз бўйлаб бир миллион дарахт экиш назарда тутилган бўлиб, акция наврўз байрамигача давом этирилади.
Тошкент - Самарқанд йўналишидаги темир йўлнинг, чап томонидаги 15-кми Сайхунобод тумани ҳудудига киради, ушбу ҳудудда 1000 туп манзарали кўчатлар тумандаги қурилиш комплекси томонидан айни пайтда экилмоқда.
Ушбу дарахт экиш акциясида Сайхунободликлар ҳам фаол қатнашишмоқда. Нафақат туманимизнинг кўчалари, балки аҳолимиз ўз хонадонларига ҳам мевали ва манзарали кўчатларни экаётганини, қозонларда акция иштирокчиларига дамланаётган ошларни, у ердаги кўтаринки кайфиятни кўриб ҳавас қиласан киши.
Бир сўз билан айтганда Сайхунобод туманига ҳам баҳор келди. Бобо деҳқонларимиз аллақачон уйғониб бўлишди.
Сайхунобод туман ҳокимлиги Ахборот хизмати