Сирдарё туманида Хитой Халқ Республикасининг Шенси вилояти билан қишлоқ хўжалиги соҳасидаги юқори ва янги технологияларни намойиш этувчи саноат зонасини ташкил этиш бўйича онлайн мулоқот ўтказилди
@SirdaryoСирдарё туманида Хитой Халқ Республикасининг Шенси вилояти билан ўзбек ва xитой халқлари ўртасидаги дўстлик ва ҳамжиҳатликни мустаҳкамлаш, икки вилоят ўртасидаги ҳамкорликни мустаҳкамлаш, ривожлантириш мақсадида ва қишлоқ хўжалиги соҳасидаги юқори ва янги технологияларни намойиш этувчи саноат зонасини ташкил этиш бўйича онлайн йигилиш бўлиб ўтди.
Томонлар дўстона музокаралар натижасида “Тенглик ва ўзаро манфаат” тамойилига асосланган дўстона муносабатларни ривожлантириш, қишлоқ хўжалиги технологиялари бўйича касбий тайёргарликни доимий равишда такомиллаштириш ва ривожлантириш, шунингдек, икки давлат ўртасидаги савдо-иқтисодий алоқаларни ривожлантириш бўйича фаол чора-тадбирлар кўриш ва салмоқли натижаларга эришиш бўйича келишиб олдилар.
Сирдарё тумани ҳокимлиги Ахборот хизмати