Уруш бўлмайди. Трамп Эроннинг зарбаларига муносабат билдирди

АҚШ президенти Дональд Трамп Эроннинг Ироқдаги Америка базаларига ҳужуми муносабати билан халққа мурожаат қилди. Бу ҳақда «Дарё» хабарида маълум қилинди.

Трамп ҳужум оқибатида ҳеч ким тан жароҳати олмагани ва базаларга етказилган зарар ҳажми кичик эканини маълум қилди. Унинг сўзларига кўра, «Эрон, афтидан, чекинишга қарор қилди ва бу бутун дунё учун яхши».

Трампнинг маълум қилишича, АҚШ Эронга нисбатан янги санкциялари жорий этади, бироқ гап айнан қандай санкциялар ҳақида бораётганига аниқлик киритмади.