Миллий гвардия-миллат фахри.

Сирдарё вилояти ҳокимининг 2019 йил 5 декабрдаги “Вилоятда ёшларни ҳарбий-ватанпарварлик руҳида тарбиялаш борасидаги ишларни янада кучайтириш ва ҳарбий хизматчиларнинг маданий қадриятлар асосида маънавий савиясини оширишга доир қўшимча чора-тадбирлар тўғрисда”ги 310-сонли қарорида белгиланган вазифалар ижросини таъминлаш ҳамда ўкувчиларда ватанпарварлик, бурчга садоқат, хушёрлик ва огоҳлик туйғуларини мустаҳкамлаш мақсадида жорий йилнинг 8 январь куни вилоят Касбий таълимни ривожлантириш ва мувофиқлаштириш ҳудудий бошқармаси тизимидаги Гулистон қурилиш касб-хунар коллежи ўқувчиларининг бир гуруҳи Сирдарё вилояти Миллий Гвардия ҳарбий қисмига ташриф буюришди.

Ташриф давомида ўқувчилар ҳарбийларни яқинлашиб келаётган Ўзбекистон Республикаси Қуролли Кучлари ташкил этилганлигининг 28 йиллиги муносабати билан қутладилар. Миллий Гвардия ҳарбий қисмида хизмат қилаётган офицерлар ўқувчиларга қисмда ҳарбий хизматчилар учун яратилган шароитлар, ҳарбийлар томонидан фойдаланиладиган қуроллар, асбоб-ускуналар, махсус ҳамда хизмат автомабилларининг имкониятлари ҳақида батафсил маълумотлар бердилар.

Ўқувчиларга ўз қўллари билан қуролларни ушлаб кўриш имконияти ҳам тақдим қилинди. Ўқувчилар ҳарбий қисмга ташрифи давомида ҳарбийлик касбига бўлган қизиқишлари янада ортди.

Вилоят Касбий таълимни ривожлантириш ва мувофиқлаштириш ҳудудий бошқармаси томонидан Ватан химоячилари кунини муносиб кутиб олиш, ўқувчиларда миллий армиядан фаҳрланиш ва унга бўлган ишонч ҳиссини янада ошириш мақсадида, ўқувчиларнинг Ўзбекистон Республикаси Қуролли Кучлар давлат музейи ҳамда Қатоғон қурбонлари хотираси музейига ташрифлар режа-жадвали ишлаб чиқилган бўлиб, ҳозирда мазкур ташрифларнинг ташкилий масалалари ниҳоясига етказилмоқда.

Вилоят Касбий таълимни ривожлантириш ва мувофиқлаштириш ҳудудий бошқармаси матбуот хизмати.