2020 йилда мигрантларга 3462 та, Сирдарёда 90 та хонадон ажратилади (рўйхат)

2020 йилда уй-жой шароитларини яхшилашга эҳтиёжманд меҳнат мигрантларига кўп квартирали уйлардан 3462та хонадон ажратиш белгиланган.

Ўзбекистон Республикаси Бандлик ва меҳнат муносабатлари вазирлиги хабарига кўра, бу президентнинг 2019 йил 20 августдаги «Хорижда вақтинчалик меҳнат фаолиятини амалга ошираётган Ўзбекистон Республикаси фуқаролари ва уларнинг оила аъзоларини ҳимоя қилиш кафолатларини янада кучайтириш чоралари тўғрисида»ги фармонига асосан амалга оширилади.

Вазирлик ажратиладиган хонадонлар ҳудудлар кесимида қандай кўринишга эга бўлишини эълон қилди.

Улар:

1. Қорақалпоғистон Республикаси – 210 та
2. Андижон вилояти – 420 та
3. Бухоро вилояти – 240 та
4. Жиззах вилояти – 120 та
5. Қашқадарё вилояти – 300 та
6. Навоий вилояти – 60 та
7. Наманган вилояти – 300 та
8. Самарқанд вилояти – 450 та
9. Сурхондарё вилояти – 270 та
10. Сирдарё вилояти – 90 та
11. Тошкент вилояти – 180 та
12. Фарғона вилояти – 420 та
13. Хоразм вилояти – 240 та
14. Тошкент шаҳри – 162 та

Жами: 3462 та.

Бундан олдин, уй-жойга эҳтиёжманд меҳнат мигрантларини саралаб олиш тартиби лойиҳаси эълон қилинганди.