Қуйи Чирчиқда маст ҳолда сигарет чекиб ухлаб қолган фуқаро ёнғинда ҳалок бўлди
@Sirdaryo
2019 йилнинг 4 январь куни Тошкент вилояти Қуйичирчиқ тумани Боғистон МФЙ Янгибоғ кўчасида яшаган фуқаро Б.Ш.нинг уйида ёнғин содир бўлган. Бу ҳақда ИИВ ЁХББ ОАВ билан ҳамкорлик қилиш бўлинмаси хабар берди.
Ёнғин оқибатида уйнинг 95 кв.метр майдонда томи, шифт қисми ва уй жиҳозлари ёниб зарарланган. Ёнғинга 2 та ёнғин ўчириш экипажлари жалб этилган. Ачинарлиси, ёнғинни бартараф этиш вақтида уй эгасининг куйган ҳолдаги жасади топилган.
Ёнғинни келиб чиқишига тахминий сабаб сифатида фуқаронинг маст ҳолда сигарет чекиб ухлаб қолиши кўрсатиб ўтилган. Айни вақтда моддий зарар миқдори аниқланмоқда.