2 ЯНВАРДА ЕР ЯҚИНИДАН ЯНА БИР АСТЕРОИД УЧИБ ЎТАДИ…
@Sirdaryo
2020 йил ҳисобига бу илк астероид десак тўғрироқ бўлади. Уни НАСА олимлари шартли равишда «AE3 2019» деб номлашган. Астероид ва Ер орасидаги масофа тахминан 2 миллион километрга тенг бўлади.
Астероид у қадар катта эмас. Диаметри 13 метрдан иборат. Лекин жуда абжир. Ер яқинидан у соатига 30 минг километр тезликда учиб ўтади. Олимларнинг фикрича, агар Америкадан Лондонга самолёт соатига 30 минг километр тезликда учса, атиги 6 дақиқада манзилга етган бўларди.
Астероиднинг Ер билан тўқнашиш имкониятлари деярли кам. Бироқ фазо жисмлари ҳақида олдиндан бир нарса деб бўлмайди. Мабодо тўқнашган тақдирда кичик ҳудудни бўлса-да, вайрон қилиши эҳтимолдан холи эмас.