Subsidiya
Davomini o'qingUY-JOY UCHUN SUBSIDIYA OLISH TARTIBIGA OID ENG KO'P BERILADIGAN SAVOLLAR:
❓Subsidiya kimlarga beriladi?
Vazirlar Mahkamasining 2020 yil 25 martdagi 182-sonli qarori bilan tasdiqlangan “Uy-joy sotib olish yoki yakka tartibdagi uy-joylarni qurish va rekonstruktsiya qilish uchun fuqarolarga subsidiya toʼlash tartibi toʼgʼrisida”gi Nizomning 2 bandiga asosan:
👉 Subsidiya olish uchun 18 yoshga toʼlgan O'zbekiston Respublikasi fuqarolari ariza bilan murojaat qilishlari mumkin.
👉 Subsidiya daromadi yuqori boʼlmagan va uy-joy sharoitini yaxshilashga muhtoj oilalarga ijtimoiy mezonlar asosida beriladi.
❓Subsidiya ajratish qanday hollarda rad etiladi?
Yuqoridagi Nizomning 34 bandiga asosan quyidagi hollarda ariza beruvchiga subsidiya ajratish rad etiladi:
a) taqdim etilgan arizada koʼrsatilgan maʼlumotlar ijtimoiy mezonlarga mos kelmaganda;
b) taqdim etilgan maʼlumotlar notoʼgʼri yoki soxta boʼlganda;
g) ilgari shahar va qishloq joylarda arzon uy-joy qurish dasturlari doirasida imtiyozli ipoteka kreditlaridan foydalangan holda kvartira yoki yakka tartibdagi uy-joy hamda subsidiya olgan (avval olingan uy-joy boshqa shaxsga begonalashtirib yuborilgan taqdirda ham) oila aʼzolari (eri, xotini) takroriy murojaat etganda;
d) joriy yilda hudud uchun ajratiladigan subsidiya soni tugaganda;
ye) ariza beruvchi va/yoki oilaning oʼrtacha oylik daromadi:
Qoraqalpogʼiston Respublikasi va viloyatlarda — MHTEKMning 2,7 baravaridan kam va 8,0 baravaridan yuqori;
Toshkent shahrida — MHTEKMning 2,7 baravardan kam va 9,2 baravaridan yuqori boʼlganda.
❓Subsidiya olish uchun qayerga murojaat qilish kerak?
✅Subsidiya olish uchun istalgan tuman (shahar) Davlat xizmatlari markaziga oʼzi kelib murojaat etish yoki Yagona interaktiv davlat xizmatlari portalida (my.gov.uz) roʼyxatdan oʼtish kerak.
❓Qanday hujjatlar talab qilinadi?
➖jismoniy shaxsning shaxsiy identifikatsiya raqami maʼlumotlari;
➖oila aʼzolarining shaxsiy identifikatsiya raqami maʼlumotlari va nikoh guvohnomasi, farzandlar tugʼilganligi haqidagi guvohnomalar nusxalari (mavjud boʼlganda);
➖nikoh bekor qilinganligiga oid hujjatlar yoki oilaviy holati toʼgʼrisida FHDYo organlari arxividan maʼlumotnoma;
doimiy roʼyxatga olingan joyidan kadastr raqami va turiga tegishli maʼlumotlar;
➖doimiy yashash joyidan uy daftarining yoki kvartiralar boʼyicha kartochkaning (17-shakl) nusxasi;
➖ariza beruvchi va birgalikda qarz oluvchilarning daromadi va ushlab qolingan daromad soliqlari toʼgʼrisidagi ma'lumotnoma.
⚖️Business lawyers group - Вaш надежный партнер в мире законов!
📄Murojaat uchun:
@shalola_azizova
Kanalga obuna bo'ling👇
@yurist_azizova