Sirdaryo tumanida “Boshqaruv organlari, FVDT hududiy va funksional quyi tizimlarining favqulodda vaziyatlarni bartaraf etish bo‘yicha harakatlari” mavzusida o‘tkaziladigan qo‘mondonlik-shtabi o‘quv mashqining birinchi kuni yakunlandi. Tafsilotlar...
@SirdaryoOʻquv mashqining asosiy maqsadi, Sirdaryo va Guliston tumanlarida zilzila va uning ikkilamchi omillari natijasida yuzaga kelishi mumkin boʻlgan favqulodda vaziyatlar oqibatlarini bartaraf etish boʻyicha viloyat va tumanlar boshqaruv organlari kuch va vositalarining harakatlarini muvofiqlashtirish hisoblanadi.
Shu bois, Sirdaryo va Guliston tumanlari hokimligi binosida mas'ul tashkilotlar xodimlari ishtirokida videomuloqot shaklidagi vazifalar taqsimotiga bag‘ishlangan tezkor tadbir o‘tkazildi.
Tadbir davomida fuqaro muhofazasi boshlig‘i-tuman hokimi B.Mirzaqulov tomonidan “Boshqaruv organlari, FVDT hududiy va funksional quyi tizimlarining favqulodda vaziyatlarni bartaraf etish bo‘yicha harakatlari” mavzusida o‘tkaziladigan qo‘mondonlik-shtabi o‘quv mashqi to‘g‘risidagi qarori o‘qib eshittirildi.
Shuningdek, viloyat favqulodda vaziyatlar boshqarmasi boshlig‘i G‘.Muxamedov tomonidan aholini va mol-mulklarrini shartli talofat o'choqlaridan xavfsiz hududlarga evakuatsiya qilish bo‘yicha qo'shimcha topshiriqlar berildi.
Berilgan signalga muvofiq favqulodda vaziyatlar davlat quyi tizim xizmatlari va doimiy tayyorgarlikdagi kuch va vositalar "Intilish" mahallasi hududidagi Bolalar va o'smirlar sport maktabiga jamlanishdi. Shundan so'ng, favqulodda vaziyatlar davlat quyi tizim xizmatlari va doimiy tayyorgarlikdagi kuch va vositalar, Qizil Yarim Oy jamiyati kuch va vositalarining saf ko‘rigi jarayonlari o‘tkazildi. Endilikda ushbu kuch va vositalar talofat o'choqlarini bartaraf etish hamda aholini evakuatsiya qilish tadbirlariga jalb etiladi.
Oʻquv mashqiga jalb etilgan kuch va vositalarni boshqarish maqsadida Sirdaryo tumanidagi Abu Ali ibn Sino nomidagi jamoat salomatligi texnikumida boshqaruv shtabi tashkil etildi.
Qo'mondonlik-shtab o'quv mashqi rejasiga ko'ra, IIV Sirdaryo akademik litseyida tabiiy xususiyatli favqulodda vaziyatlar yuz berganda litsey oʻquvchilarining toʻgʻri harakat qilishga doir bilim va koʻnikmalarini oshirishga qaratilgan maxsus-taktik oʻquv mashqi tashkil etildi.
Akademik litseyning 500 nafardan ortiq oʻqituvchi va oʻquvchilari ishtirok etgan tadbirda zilzila sodir bo'lganda binoni ehtiyotkorlik va tezkorlik bilan tark etish, jabrlanganlarni qutqarish va ularga bitinchi tibbiy yordam ko'rsatish vazifalari o'quvchilar tomonidan amalga oshirildi.
Navbatdagi maxsus-taktik o‘quv mashqi “YO'LTREFTRANS” AJda ham davom etib, korxona ishchilari qidiruv-qutqaruv ishlarini tashkil etish, vayronalar ostidan qolgan jabrlanganlarni qutqarish, birinchi tibbiy yordam ko‘rsatish, aholini xavfsiz hududlarga evakuatsiya qilish tadbirlari amalda sinab ko'rildi.
Ahamiyatlisi, poyezda sodir bo‘lgan yong‘in obyekt fuqarolar muhofazasi tuzulmalari xodimlari hamda yong‘in qutqaruv bo‘linmalari shaxsiy tarkibi tomonidan muvaffaqiyatli o‘chirildi. Vagon ichida yong‘inda qolgan bir nafar fuqaro borligi aniqlandi. Tekor harakatlar natijasida yong‘inda qolgan fuqaro qutqarilib, unga birinchi tibbiy yordam ko‘rsatilib, shifoxonaga yuborildi.
Sirdaryo viloyati Favqulodda vaziyatlar boshqarmasi Axborot xizmati.