Қолипли нон маҳсулоти республикамизда “Ўзстандарт” агентлигининг 27.03.2017 йилдаги МТР-8 – сонли Қарори билан тасдиқланган “Нон ва макарон маҳсулотларининг хавфсизлиги тўғрисида”ги Махсус техник регламент (MTR.008-2017) ҳамда ГОСТ 27842-88 стандарти асоси…
@Sardoba
Монополияга қарши курашиш қўмитаси, жумладан Истеъмолчилар ҳуқуқларини ҳимоя қилиш Агентлигига, истеъмолчиларда қолипли нон маҳсулотининг стандарти, ушбу маҳсулотни харид қилишда нималарга алоҳида эътибор қаратиш лозимлиги юзасидан кўплаб мурожаатлар келиб тушмоқда. Шунга мувофиқ “Ўзстандарт” Агентлиги билан биргаликда истеъмолчилар учун кичик бир маълумот тайёрланди.
Мазкур меъёрий ҳужжатларда қолипли нон маҳсулотини ишлаб чиқариш, ташиш ва сақлаш бўйича талаблар берилган.
Қолипли нон маҳсулоти ташқи кўриниши бўйича қуйидаги талабларга мувофиқ бўлиши зарур:
– шакли – қолипли нонга мувофиқ шаклга эга бўлиши, ортиқча қисм бўртиб чиқмаган бўлиши лозим;
– ташқи кўриниши – сезиларли ёриқлар, ортиқча шакллар бўлмаслиги лозим;
– ранги – оч-сариқ рангдан тўқ-жигарранггача бўлиши лозим, бошқа ранглар бўлишига йўл қўйилмайди;
– ички қисм (мякиш) кўриниши – яхши пишган бўлиши ва эластик бўлиши, бармоқ билан енгил босилганда ўз шаклига қайтиши лозим.
– таъми ва ҳиди – нон маҳсулотининг одатий таъми ва ҳиди бўлиши ва ортиқча таъм ва ҳидлар бўлмаслиги лозим.
Шунингдек, нон маҳсулотларининг сақлаш шароитларига ҳам эътибор бериш зарур. Бунда, сақлаш жойида нон маҳсулотларига бошқа маҳсулотлар аралашмаслиги, сақлаш жойи тоза бўлишига эътибор бериши керак.
ГОСТ 27842-88 стандартининг 1.2.1-бандига асосан қолипли нон маҳсулоти 0,5 кг дан 1,1 кг гача массада ишлаб чиқарилиши мумкин. Бугунги кун амалиётида қолипли нон асосан 05-0,6 кгда ишлаб чиқарилмоқда (маҳсулотнинг оғирлиги фарқи камайиш тарафига бир маҳсулотнинг белгиланган оғирлигига нисбатан 3 фоиздан ошмаслиги керак).
Бундан ташқари, истеъмолчилар қолипли нон харид қилишда сотилаётган қолипли нонни техник регламент талабларига мувофиқлигини тасдиқловчи ҳужжатларни талаб қилиш ҳуқуқига эгалиги эслатиб ўтамиз.
“Нон ва макарон маҳсулотларининг хавфсизлиги тўғрисида”ги Махсус техник регламент (MTR.008-2017) нинг 36 бандига асосан, нон ва макарон маҳсулотларининг ҳар бир партияси сотилаётганда, мазкур техник регламент талабларига мувофиқлигини тасдиқловчи ҳужжатлар билан жўнатилиши шарт.
Сардоба тумани ҳокимлиги ахборот хизмати
ㅤ
ㅤ