Сардоба туманида тадбиркор аёллар сафи кенгаймоқда.

Сардоба тумани Маҳалла ва оилани қўллаб-қувватлаш бўлими бошлиғи 1-ўринбосарининг тавсиясига асосан "Хотин-қизлар ва оилани қўллаб-қувватлаш Республика мақсадли жамғармаси" фондидан туманда тадбиркорлик қилиш истагида бўлган 16 нафар хотин-қизларга 223 млн.сўм миқдорида имтиёзли кредитлар ажратилган бўлиб, кредитларни мақсадли ишлатилганлигини мониторинг қилиш ишлари амалга оширилмоқда.

Жумладан  Файзлиобод маҳалласи Файзлиобод кўчаси 103-уйда яшовчи Товбоева Холида тикувчилик йўналишида 10 млн.сўм миқдорида имтиёзли кредит олиб 2 та иш ўрни, Файзлиобод маҳалласи Навоий кўчаси 60-2 уйда яшовчи Бурхонова Зарнигор Тикувчилик йўналишида 20 млн.сўм миқдорида кредит олиб 3 та иш ўрни, Қуйитош маҳалласи Пешқадам кўчаси 25-уйда яшовчи Шамсиева Навбахор Тикувчилик йўналишида 20 млн.сўм миқдорида имтиёзли кредит олиб 3 та иш ўрни яратган.