Сардоба туманида Пахтакор маҳалла фуқаролар йиғинининг янги замонавий биноси фойдаланишга топширилди

Туманимизда маҳалла ободлиги йўлида қатор ижобий ишлар бажарилиб келинмоқда. Жумладан, бугун "Пахтакор" маҳалла фуқаролар йиғинининг янги замонавий биносининг фойдаланишга топширилиши, у ерда истиқомат қилаётган аҳолини ниҳоятда мамнун қилди.

Очилиш маросимида Сардоба туман туман ҳокимлиги мутасаддилари, маҳалла фуқаролар йиғинлари раислари, нуронийлар ва жамоат фаоллари иштирок этишди.

Албатта, маҳаллалар жамиятда тинчлик-тотувлик, меҳр-оқибат, ҳамжиҳатлик муҳитини мустаҳкамлашда, оилалар жипслигини, соғлом ва баркамол авлодни тарбиялашда ва аҳолининг кундалик муаммоларини ҳал этишда халқимизга энг яқин ижтимоий тузилма ҳисобланиб, аҳолининг бугунги яшаётган кунидан рози бўлиб, эртанги кунга қатъий ишонч билан яшашини таъминлашда муҳим аҳамиятга эга.

Сардоба тумани ҳокимлиги Ахборот хизмати.