Бруцеллёз касаллигини биласизми?

Бруцеллёз касаллиги одамга хайвонлардан юқадиган, турли юқиш йўлларига эга бўлган асосан таянч-харакат аьзоларини ҳамда асаб тизимининг шикастланиши, организмнинг захарланиши, аллергияни намоён бўлиши билан ўтувчи, аксарият холларда касалликни сурункали кечиши, ўз вақтида даволанмаса узоқ муддат иш қобилиятини йўқолишига, кейинчалик беморларда ногиронликни келтириб чиқарадиган ўта хавфли касалликдир.

КАСАЛЛИКАНИНГ КЛИНИК КЎРИНИШИ

Касалликнинг ўткир босқичи бир неча кун, ҳафтадан 1, 2, 3 ой ва баъзан ундан ҳам кўп давом этувчи иситмалаш, кўпинча тўлқинсимон характерга эга бўлади, титраш кўпинча безгакдаги каби қалтиратадиган ва кун давомида бир неча марта такрорланади, йирик бўғимларида учувчан оғриқлар пайдо бўлади, кўпинча жигар, баъзан талоқ катталашади, жигар, жинсий аъзолар ҳам зарарланади, кўпинча чов, қўлтиқ ости, жағ ости, баъзан бошқа лимфа тугунлар катталашиши қайд этилади.

КАСАЛЛИК ОДАМГА ҚАНДАЙ ЮҚАДИ?

 Беморларни касаллик манбалари, юқиш йўллари ўрганилганда 90 фоизидан ошиғи қўй ва эчкиларнинг туғиш жараёнида иштирок этганлар эканлиги маьлум бўлди. Касаллик асосан касал ҳайвонлар парвариши билан шуғулланувчи одамларга жароҳатланган тери орқали мулоқат йўли билан юқади.

Бундан ташқари бруцеллёз касаллиги ҳайвон махсулотлари қаймоқ хом сут ичганида, касал ҳайвон гўштини чала пишириб истеьмол қилганда ҳам юқади.

 Бруцеллаларнинг сут маҳсулотлари ва гўштда узоқ сақланиши жуда муҳим. Сутда 20-30 кун, ёғда 45 кун, пишлоқда 4-6 ҳафта, брынзада 45-72 сутка сақланиши мумкин ва бу инфекция ўчоғидан узоқда яшайдиган аҳоли зарарланиш эҳтимолини белгилайди.

Аэроген юқиш йўли ҳам бўлиши мумкин. Бунда микроб юнг-қил, ўғит, тупроқ, чанг заррачалари билан юқори нафас йўллари орқали киради. Чанг заррачаларида муаллақ турган микроб организмга конъюнктива шиллиқ қавати орқали ҳам кириши мумкин

Касал ҳайвонлар туққанда ва бола ташлаганида бруцеллаларнинг кўп миқдорда ажратилиши, шунингдек сути орқали инфекциянинг хўжаликда тарқалиши аксарият ҳолларда касалликнинг одамга юқишида асосий омил бўлиб хизмат қилади.

КАСАЛЛИКНИНГ ОЛДИНИ ОЛИШ ЧОРАЛАРИ

Ходимларни жумладан бруцеллёз касаллигини юқиш хавфи юқори бўлган ишларга вақтинча жалб қилинганлар шахсий гигиена ва индивидуал ҳимоя воситалари (халатлар, резина қўлқоплар, енгликлар, клеенкали фартуклар, махсус оёқ кийим ва ҳ.к.) билан таъминланиши, ўз вақтида уларни алмаштириш ва ювиш;

-иссиқ сув, ювувчи воситалар, дезинфекцияловчи воситалар билан таъминланиши;

- хўжалик ва корхоналарда марказий дезинфекцияни, махсус кийимларни ювиш ва тозалашни ташкиллаштириш;

- бруцеллёз касаллиги бўйича нохуш хўжаликдаги ҳайвонни сўйиш қоидаларига риоя этиш, асбоб-ускуналарни, биноларни дезинфекция қилиш, чиқиндиларни зарарсизлантириш, касалланган ҳайвонни олиб келишда фойдаланилган транспортларни дезинфекция қилиш;

СИРДАРЁ ТУМАН САНИТАРИЯ ЭПИДЕМИОЛОГИЯ ОСОЙИШТАЛИК

ВА ЖАМОАТ САЛОМАТЛИГИ ХИЗМАТИ