Сардоба туманида ёшлар бандлигини таъминлаш мақсадида “Ёшлар боғи” ташкил этилди.
@sardoba_xabarlari“Ҳар бир ёшга бир гектар” лойиҳаси орқали ёшларни бандлигини таъминлаш мақсадида Қўшчинор СИУ ҳудудидан 40 га ер майдони ажратилиб, “Ёшлар боғи” ташкил этилди.
Ушбу тадбирда вилоят ҳокими ўринбосари О.Носиров, туман сектор раҳбарлари, туман ҳокими ўринбосарлари, туман ташкилот раҳбарлари, Имом хатиб ва Ҳожи бувалар, маҳалла фуқаролари ҳамда ёшлар фаол иштирок этишди.
Туман ҳокимлиги ташаббуси билан амалга оширилган ушбу тадбир мобайнида ер майдонлари шудгор қилинди, текисланиб янги анорзор боғлари ташкил қилинди.
Президентимиз “Халқимиз юртимизда рўй бераётган ўзгаришларни ўз ҳаётида эртага эмас, узоқ келажакда эмас, айнан бугун сезиши керак” деганда, бандлик масаласини ҳам эътибордан четда қолдирмаган эди. Чунки доимий иш билан машғул ёшнинг бекорчи нарсаларга сарфланадиган вақти бўлмайди, севимли касб эгасининг эртанги кунидан кўнгли тўқ, руҳи эса баланд бўлиши, табиий. Энг асосийси, у мақсад билан яшайди.
Ёшлар билан доимий мулоқот қилиш мазкур соҳадаги долзарб муаммоларни аниқлаш ва ҳал этишда давлат органлари ва жамоат ташкилотлари фаолиятининг ажралмас қисмига айланиб бормоқда.
Сардоба тумани ҳокимлиги Ахборот хизмати.