Спорт

Реалга трансфер амалга ошган Куртуа: "Болаликдаги орзуим ушалди"

«Челси» клубидан «Реал» сафига ўтган Тибо Куртуа мадридликлар жамоасидаги келажаги ва мақсадлари ҳақида гапириб ўтди.

«Бугун менинг болаликдаги орзуим ушалди. Ҳар доим мана шу стадионда қаймоқранглилар сафида майдонга тушишни орзу қилардим. Бу дунёдаги энг кучли клуб.

Бу ёзда менга жуда кўп таклифлар келиб тушди. Уларнинг баъзилари молиявий томондан анча фойдали эди, бироқ «Реал»дан қизиқиш борлигини билганимдан сўнг, менда ҳеч қандай шубҳа қолмади. Мен ёшлигимда Икер Касильяс туфайли «Реал»нинг ўйинларидан роҳат олардим», — дейди Куртуа.