Сайхунобод тумани Фаровон маҳалласида Uzmobile алоқа операторининг 4G антенасини ўрнатиш ишлари бошланди
@SayxunobodXabarlari
Шунингдек ушбу маҳаллада Beeline компаниясининг 4G антенасини қурилиши ҳам яқин ойлар ичида бошланиши кутилмоқда. Маҳалланинг фаровонлиги, аҳолининг ижтимоий ҳаёт даражасини янада яхшилаш ҳамда турмуш даражасини ошириш учун маҳаллани бир неча йиллардан буён жаҳон ахборот тармоғи ҳисобланган интернет тармоғидан узулиб қолганлиги, интернет билан боғланиш масаласи жиддий муаммога айланган эди.
Фаровон маҳалласининг фуқароси, Тошкент давлат юридик университетининг 3-курс талабаси Шерозбек Додоев ўзининг фаол фуқаролик позитсиясидан фойдаланган ҳолда,ташаббус кўрсатиб, елиб-югуришлари ҳамда Фаровон маҳалласидан 2014-2019 йилгача туман Кенгашининг депутати бўлган, айни пайтда туман ҳокимлигини Ахборот хизмати раҳбари Эркин Саидовнинг қўллаб-қувватлаши натижасида, ҳамда уларнинг 2019-йилнинг июн ойидан бошланган ҳаракатлари билан маҳаллада Uzmobile ва Beeline компанияларининг 4G антеналари ўрнатилишига келишиб олинган эди, бугунги кунга келиб дастлабки ишлар бошланди. Қувонарлиси ва эсда қоларли жойи шундаки Эркин Саидов ўзига қарашли бўлган деҳқон хўжалик еридан (томорқасидан) ушбу антена учун фидоийларча, манфаатсиз жой ажратиб берди.
"Ушбу антена ўрнатилишига жонбозлик кўрсатган Шерозбек Додоев ва фидоий, халқпарвар Эркин Саидовга ҳамда яқиндан ёрдам бераётган барча-барчага ўз миннатдорчилигимизни билдирамиз. Антенамиз узоқ йиллар давомида Фаровон маҳалласи учун яхшиликлар ва эзгу ишларда хизмат қилишини тилаймиз"- Дейди Фаровон МФЙ раис ўринбосари, хотин-қизлар билан ишлаш бўйича мутахассис Зумрад Шакарова биз билан суҳбатда.
Ғулом Примов,
Журналист.
Каналга уланиш:
https://t.me/SayxunobodXabarlari