Ховос тумани: Сектор раҳбарлари хотин-қизлар фаоллари билан учрашди

Барчамизга маълумки, жорий йилнинг апрел ойида Ховос туманидаги барча маҳаллаларга очиқ танлов асосида"Хотин-қизлар фаоли" лавозимига муносиб номзодлар тайинланди.

Бугун, тумандаги "Cоwоркинг" марказида сектор раҳбарлари иштирокида улар билан дастлабки учрашув ўтказилди.

Учрашув расмиятчиликда ҳоли рухда ташкил этилиб, келгусидаги аниқ режалар белгилаб олинди. Шунингдек, хотин-қизлар муаммолари билан доимий ишлаш ҳамда тезкорлик билан сифатли бартараф этиш, аёллар дафтарига киритилган фуқаролар билан тизимли ишлаш масалалари муҳокама қилинди.

Бундан ташқари, аёллар ўртасида соғлом турмуш тарзини тарғиб қилиш, уларнинг орзу-истакларини рўёбга чиқариш ҳамда ижтимоий ҳимояга муҳтож якка ёлғиз аёллар муаммоларини ўз вақтида аниқлаш ва улар билан тизимли ишлаш бўйича таклифлар билдирилди.

Қолаверса, хотин-қизлар фаолларига муносиб меҳнат шароитларини яратиш юзасидан масъулларга топшириқлар берилди.

Ховос тумани ҳокимлиги Ахборот хизмати