ШУҲРАТИНГ ПОРЛАСИН ТОКИ БОР ЖАҲОН!
@sir_hayoti
Республика Маънавият ва маърифат маркази Сирдарё вилоят бўлими ташаббуси билан Мирзаобод туманадаги ҳарбий қисмда Ўзбекистон Республикаси Давлат мадҳияси қабул қилинган куннинг 30 йиллиги муносабати билан “Шуҳратинг порласин токи бор жаҳон!” деб номланган маънавий-маърифий тадбир ўтказилди.
Тадбирда Сирдарё вилояти ҳокими маслаҳатчиси Ғ.Юсупов, Республика Маънавият ва маърифат маркази вилоят бўлими раҳбари М.Ҳайитовлар иштирок этиб ватанимиз ҳимоячиларини байрам муносабати билан самимий муборакбод этишди.
Маърузачилар томонидан тадбир давомида давлат мадҳияси қабул қилинган куннинг 30 йиллиги муносабати билан мамлакат миқёсида эришилган улкан ютуқлар ҳақида атрофлича фикр-мулоҳазалар билдирилди.
Тадбирлар вилоятнинг барча ҳудудларида, корхона ва ташкилотларида, маҳаллаларда, таълим муассасаларида кенг нишонланмоқда.
Республика Маънавият ва маърифат маркази вилоят бўлими Матбуот хизмати.