Бугун Сирдарё вилояти Жисмоний тарбия ва спорт бошқармаси, ГИОЗМИ, ИБЎСМ, БЎСМларда мустақиллигимизнинг 28 йиллигига бағишланган умумхалқ хайрия ҳашари ўтказилди.
Ҳар йили Ватанимиз мустақиллиги санаси арафасида ўтказилувчи умумхалқ ҳашари эзгу анъаналарнинг амалдаги ёрқин намунасидир. Бу йил ҳам умумхалқ хайрия ҳашари эрта тонгданоқ уюшқоқлик билан бошланди.
Эзгу қадриятлар тобора мустаҳкамланиб бормоқда. Бу борада кўпчилик билан бамаслаҳат ҳолда ўтказиладиган, маънавий ҳаётимизнинг узвий қисмига айланган ҳашар истиқлол йилларида янгича маъно-мазмун касб этиб, умуммиллий анъанага айланган.
Ўзбекистон Республикаси Вазирлар Маҳкамасининг 2019 йил 10 августдаги фармойишига биноан жорий йилнинг август ойи мамлакатимизда ободонлаштириш ва тозалик ойлиги ҳамда 17-18 август умумхалқ хайрия ҳашари кунлари, деб эълон қилинди.
Бошқарма тизимидаги барча бино ва иншоотлар, ховлилар атрофи, ариқлар, кўчалар ва йўлакларни ҳамда спорт майдончалар тартибга келтирилди, дарахтлар оқланди ва шакл берилди.
