Россияда "сохта" қуёш ҳодисаси кузатилди
Ўтган дам олиш кунлари Россиянинг марказий вилоятларида камдан-кам учрайдиган атмосфера ҳодисаси – "сохта" қуёш ёки илмий тилда айтганда, паргелий кузатилди. Бу ҳодиса қуёш нурларининг муз кристалларида синиши билан боғлиқ. Сув музлагани сари атмосферанинг юқори қатламларида олтибурчакли кристаллар ҳосил қилади. Улар ерга тушишининг аксарият вақтида горизонтал ҳолатда бўлади. Муайян лаҳзаларда кузатувчининг кўриш горизонти бу текислик орқали ўтиши мумкин ва бунда ҳар бир кристалл ўзини нурни синдирувчи мини-линза каби тута бошлайди. Натижада Қуёш атрофида доира ёки ундан бир хил узоқликда жойлашган бир жуфт "сохта" қуёш пайдо бўлади.
