REPORT
MORNING REPORT : 24.07.2021 (INRINNI)
(Zonet Zing Daifim@7:30 AM)
COVID-19 UPDATE: Nimin July ni 23, 2021 khan Mizoram ah COVID-19 positive thar 653 hmuhchhuah a ni a, Mass Testing result July ni 20, 2021-a mi kha Tuirial tel lovin update tawh a ni.
ZMC RT-PCR laboratory- a sample test 1781 zingah COVID-19 positive 147 hmuhchhuah a ni a. TrueNAT laboratory-a sample test 445 zingah COVID-19 positive hmuhchhuah 43 a awm a. Rapid Antigen Test hmanga sample test 3317 zingah COVID-19 positive hmuhchhuah thar 463 a awm a ni.
* ZMC RT-PCR positive (147)
(Mipa – 76, Hmeichhia – 71; Symptomatic – 2, Asymptomatic –145)
* TrueNAT positive (43)
(Mip – 18, Hmeichhia – 25; Symptomatic – 0, Asymptomati – 43)
* Rapid Antigen Test Positive (463)
(Mipa – 213, Hmeichhia – 250; Symptomatic – 315, Asymptomatic – 142, Report loh – 6)
* Nimin tlai dar 5:45 khan Pu Ebenezer (37), Vaitin khua chu Covid-19 vangin ZMC ah a boral a. July ni 13 khan hri a kai tih hriatchhuah niin, July ni 16 khan ZMC ah admit a ni.
* Nizan dar 6:50 khan Pu SK Das (74), Tuirial chu Covid-19 vangin ZMC ah a boral a. July ni 13 khan hri a kai tih hriatchhuah niin, July ni 16 ZMC ah admit a ni.
* Nizan dar 9:40 khan Lalruatfeli (14), Bungkawn Vengthar, Aizawl chu Covid-19 vangin a boral a. July ni 21 khan hri a kai tih hriatchhuah niin, mahni in lamah an inenkawl a ni.
Heti hian Mizoram a Covid-19 vanga nunna chan chu 134 an tling ta a ni.
* 23.07.2021-a Sample test zawng zawng zat = 5543 (Mipa-2922, Hmeichhia-2621)
Positive hmuhchhuah zat % = 11.78%
(RTPCR – 8.25%, TrueNAT – 9.66%, RAgT – 13.95%)
Symptom nei – 317, Symptom nei lo – 330, Report loh - 6
* Mihring 1000 zela positive hmuhchhuah tawh zat (based on 2011 census) = 28
* Mihring 100000 zela COVID-19 vanga nunna chan tawh zat (based on 2011 census) = 12
* Tuna Mizoram Covid-19 dinhmun : Positive hmuh tawh zat - 31145, Dam tawh - 22904, Enkawl mek - 8107, Thi - 134, Recovery Rate - 73.53%
POLICE REPORT : Tukinah Aizawl khawpui chhunga police station te leh Aizawl pawn lam district headquarters tina police station te kan be kim thei a. Total Lockdown leh zan curfew hnuaiah tang 9 awmin hmeichhia 1 a tel a. Tangte hi - rukruk kaihhnawiha man 5, zu mansak 1, Explosive case a man remand 1, rui chunga lirthei khalh vanga man 1, mi chunga pawikhawiha rinhlelh man remand 1 te an ni a. Kan biak thin PS 14 leh Out Post 1 zingah tang awm lohna PS 10 a awm a ni.
Bawngkawn PS ah tang mipa 2 leh hmeichhia 1 kawlin, mipate hi rukruk kaihhnawiha man an ni a, hmeichhe awmchhun hi mi chunga pawikhawihna thila rinhlelh man la remand a ni bawk. Khawzawl PS ah rukrua rinhlelh man 3 an kawl a. Aizawl PS ah rui chunga lirthei khalh vanga man 1 kawlin, Vaivakawn PS ah zu mansak 1 an kawl a. Champhai PS ah tang tang 1, Dungtlang PS ten Explosive case a an man remand an kawl a ni.
TRAFFIC REPORT : Niminah Total Lockdown hnuaia Aizawl a Traffic Rules bawhchhia man an awm lo leh a, hei hi kumin bikah chuan a ni zawna man an awm loh tum khatna a ni.
HOSPITAL REPORT : Nimin tlai dar 3 atanga tukin dar 7 thlengin Civil Hospital Aizawl Casualty ah emergency case 21 an nei a, mitthi an nei lo va. Emergency case tam ber khawsik leh pumna ni. Emergency case zingah hian admit zat 4 a ni a, hospital dang atanga refer 2 awmin, ICU a dah ngai, khum awm si loh vanga hospital danga thawn 1 a awm. Road Traffic Accident (RTA) vanga hliam nei an awm loh tum a ni leh a, ui seh 1 a awm a ni. Emergency & Labour Room ah nau piang 6 an awm a, mipa 4 leh hmeichhia 2 niin, vei mek 3 an awm bawk.
Synod Hospital Durtlang Casualty ah nimin tlai atanga tukin dar 7 thlengin emergency case 3 a awm a, admit vek an ni a, mitthi 1 an nei a. Emergency case zingah hian tam fal a awm lo. General Ward ah khum ruak tlem a awm a. New Cabin leh Pi Puii Inah te Cabin ruak tlem awmin, khum 6 awmna ICU a full thung. Lawmna Ward khar rih a nih avangin nau piang leh piang tura beisei an la awm rih lo. Nizana Triage Counter paltlang mi 6 an ni a, darkar 24 chhunga paltlang mi 115 an ni. Vawiin OPD ah Dr. Lalrammuana Surgery, Dr. Mac Malsawmtluanga Eye leh Dr. Regina Lalramhluni Eye te an thu lo ang.
Kan biak theih Aizawl a private hospital te zingah - Greenwood Hospital ah mitthi 1 leh nau piang 1 an nei a, Cabin leh General ah khum ruak an nei a. BN Hospital ah nau piang 1 an nei a, Cabin leh General ah khum ruak an nei a. Ebenezer Medical Center ah ICU khum ruak neiin a dang zawng an full a. LRM Hospital ah Cabin leh General an full a. Alpha Hospital ah Cabin full-in General ah khum ruak an nei a. Trinity Hospital ah Cabin ruak neiin Medical Ward an full a. Care Hospital leh City Hospital ah te Cabin leh General ah khum ruak an nei a ni.
Heti hian, kan hriat theih chinah nimin tlai atanga tukin dar 7 thlenga Aizawl khawpui damdawi in hrang hranga mitthi awm zat 2, nau piang zat 8 a ni.
POWER REPORT : State Load Despatch Centre atanga thu kan dawn danin, nimin lama power kan hman tam lai ber nizam dar 7:15 a kan hman zat 99.04 MW a ni a. Kan hman tlem lai ber tukin dar 3:30 a kan hman zat 36.78 MW a ni. Kan hman tam lai ber 99.04 MW ah hian Tuirial HEP NEEPCO atanga kan hmuh 40.50 MW te, Kau-Tlabung Hydel Project atanga kan siam chhuah 2.40 MW te, Teirei Mini Hydel Project atanga kan siam chhuah 2.03 MW te, Tlungvel Solar Plant atanga kan siamchhuah 1.47 MW te, Maicham Mini Hydel Project atanga kan siam chhuah 1 MW te, Khawiva Small Hydel Project atanga kan siam chhuah kilo watt 750 leh Tuipui atanga kan siam chhuah kilo watt 240 te a tel a. Tualchhung atanga kan hmuh leh siam chhuah zawng zawng chu 48.39 MW a ni. Load shedding siam lovin eng pek a ni.
* Chawngte line nimin piah tlai dar 4 a line fault vangin pek theih loh chu nimin zing dar 9:40 khan pek leh theih a ni.
* Zuangtui to Bukpui 132 KV Line chu nizan dar 6:37 khan over-current earth-fault vangin a trip a, charge leh a nih ruala a trip leh nghal avangin Khawiva atangin zan dar 7:14 ah power an la a ni.
* Khawzawl 132 KV Sub Station chuan hna an thawh dawn vangin vawiin chawhma dar 11 atanga tlai dar 5:30 chhung planned Shutdown an la ang.