RADIO

*Morning Mizo News - 4.6.2021’ by AIR Aizawl News* on #SoundCloud? #np https://t.co/4Tzv6u5ivV

*ALL INDIA RADIO AIZAWL*

REGIONAL NEWS UNIT

*REGIONAL NEWS BULLETIN*

HEADLINES (MORNING) - 4.6.2021

1. Tukina COVID19 dinhmun hriat thar berah hri kai 205 hmuhchhuah a ni.

2. Vawiin atang hian kum 18-44 inkar te tan COVID19 vaccine pek chhunzawm a ni ang.

3. Nimin khan Meghalaya-ah COVID-19 hri kai 552 leh Manipurah 621 hmuhchhuah a ni

4. Chief Economic Advisor K V Subramanian chuan ramchhung eibar dinhmun chu thlaleh atangin a insiamtha chho tan dawn a ti.

<><><>

COVID ADVISORY & HELPLINE

COVID-19 hri la leng mek karah chanchinthar ngaithlatute, hri leng laka lo fimkhur zel turin kan ngen che u a. Hmai tuamna vuah, midang nena inhlata awm, kut leh hmuihmai silfaite lo ngai pawimawh ula. Vaccine lak theih hunah lo la theuh turin kan ngen che u a. Harsatna leh zawh duh nei in awm chuan sorkar laipuiin helpline number a siam-011-23978046 leh 1075 ahte leh Mizoram chhung tan 102 ahte hian engtik lai pawhin biak pawh theih reng a ni e. Tunah chuan chanchinthar ilo ngaihthlak chhunzawm ang u.

(Newsonair)

<><><>

COVID UPDATE

Tukina COVID19 test result hriat thar berah hri kai 205 hmuh belh a ni a, nizan khan 1 a thi a ni.

Tun dinhmunah COVID10 hri avanga thi zat chu 47 an tling tawh a, a kai tawh zawng zawng zat hi 13064 an ni a, enkawl dam tawh 9602 awmin, mi 3415 enkawl lai mek an ni.

Nizan zanlai khan Pu Lalremsiama (44), Sairang chu a thi a, Covid-19 positive tih hriat niin thlahlui ni 30 khan ZMC ah admit a ni a. Amah hi zunthlum nei sa a ni.

Tukin result ah hian ZMC RT-PCR positive (61) an awm a, Aizawl district mi vek an ni a, Saron Veng (24) : Venghlui (8) : Chhinga Veng (4) : Sairang Dawr Veng (4) : Sairang Dinthar (4) : Dawrpui Vengthar (3) : Electric Veng (3) : Armed Veng South (2) :Ramhlun South (2) : Ramthar North (2) : Ramhlun Sports complex (1) : Republic Vengthlang (1) : Tuirial Airfield (1) : Zonuam (1) : Zotlang (1) :

TrueNAT positive (8) hmuh an ni a, Champhai district Zokhawthar (3) :

Mamit district Teirei Forest (2) leh New West Phaileng (1) :

Lunglei dist Lunglei Chanmari (1) leh Thenhlum (1) :

Rapid Antigen Test Positive (136) hmuh an ni a, Aizawl district (96) an awm a,

Bawngkawn (15) : Dinthar (11) : Saron Veng (8) : Zarkawt (8) : Electric Veng (7) : Aizawl Venglai (6) : Chaltlang Lily Veng (6) : Tuithiang Veng (5) : Chhinga Veng (4) : College Veng (4) : Thuampui (4) : Hunthar (3) Muanna Veng (3) : Kanan Veng (2) : Armed Veng South (1) : Bethlehem Vengthlang (1) : Dawrpui (1) : Edenthar (1) : ITI Veng (1) : Maubawk (1) : Mualpui (1) : New Serchhip (1) : Ramthar North (1) : Zotlang (1) :

Lawngtlai district ah (17) hmuhchhuah a ni a, Kamalanagar-II (7) : Boganpara (3) : Kamalanagar-I (2) : Kamalanagar-III (2) : Kamalanagar-IV (1) : Kamalanagar CRPF Camp (1) : Council Veng, Lawngtlai (1) :

Lunglei district ah (16) hmuh a ni a, Lunglei Electric Veng (9) : Putlungasih (4) : Lunglei Venglai (2): leh Samuksuri (1):

Champhai district Zokhawthar (3) :

Saitual district ah (3) hmuh niin Keifang (1) : Mimbung (1) : Saitual (1) :

Siaha district ah New Colony-IIah (1) hmuh a nib awk.

(DIPR)

<><><>

VACCINE

Mizoram ah COVID19 hri danna pek chhunzawm a ni a,

Vawiin hian kum 18-44 inkar te tana vaccine pek hi chhunzawm tur a ni a, tih dan pangngaiin zing dar 8 ah vaccine la duh ten online hmangin booking tih tur a ni dawn a ni.

Kan corr thudawn danin, nimin khan COVISHIELD vaccine dose sing 2 alo thlen belh leh a, vawiin atanga lak leh theih tura ruahman niin Pathianni tih lo ah chuan vaccine pek hi kalpui tur a ni .

Vaccine chungchanga sawrkar thupuangtu Dr Lalzawmi chuan vaccine dose sing 2 lo thleng thar chu Aizawl pawn lamah a tam zawk pek tur anih thu sawiin thingtlang lampang thleng pawha lak theih anih tur thu a sawi.

(CORR)

<><><>

MATRIC RESULT

Mizoram Board of School Education (MBSE) in nimina High School Leaving Certificate Examination (HSLC) result a tichhuahah zirlai zaa 82.62 an pass a, Lalnunmawia St Joseph Higher Secondary School chuan full mark 500 ah mark 486 hmu in pakhatna a ni.

Zirlai exam hmachhawn zawng zawng hi sing 1 sang 8,012 niin mipa 8346 an ni a, hmeichhia 9666 an ni thung. Private a exam hi 137 awmin mipa 107 leh hmeichhia 130 an ni a, regular candidate sing 1 sang 7775 awmin mipa 8239 an ni a, hmeichhia 9536 an ni thung.

Zirlai exam hmachhawn zingah hian pass zawng zawng hi sing 1 sang 4847 an ni a, mipa 6823 niin hmeichhia 8024 an ni.

Zirlai HSLC exam hmachhawn zingah mipa 6823 an pass laiin hmeichhia 8024 an pass a, hmeichhe pass zat hi zaa 83.01 anih lain mipa pass zat hi zaa 81.75 a ni thung a ni.

Distinction a pass zirlai 2904 awmin 1st Div a pass zirlai 5218 an awm a, 2nd Div a pass 4863 awmin 3rd Div a pass 1862 an awm bawk a ni.

Tun tum result chhuakah Aided School atangin zaa 77.58 an pass a, Sawrkar sikul atangin zaa 77.6 anih laiin Deficit school hi zaa 96.94 a ni bawk a ni.

MBSE Chairman JH Zoremthanga chuan course tih tlem chu pass percentage that phahna chhan pakhat anih thu a sawi a, zawhna an siam ah pawh kumdang aia awlsam zawka siam anih thu sawiin Naupang ten zawhna an chhan thiam theihna turin model question an buatsaih a, naupang ten zawhna kal theih dan tur an hria a, kum dang aiin chhan a awlsam zawk a ni a ti.

MBSE Chairman chuan Online class engemaw zat kalpui anih thu sawiin hei hian zirlaite a pui tih a sawi a, zirlaite chhanna endik chu kum dang ang thoa an thawh thu sawiin in ngaihnathiamna hranpa a awmloh thu a sawi bawk.

Pu JH Zoremthanga chuan State dang Board ten exam an neih theihloh lai leh hripui len laia exam tluang taka an zo fel thei leh result a chhuak thei chu lawmawm a tih thu a sawi a, result tha tak zirlai ten an nei chu lawmawm a tih thu a sawi bawk.

School Education Minister Pu Lalchhandama Ralte chuan hrileng kara Pawl 10 exam leh result buatsaih a ni chu thawktute thahnemngaihna leh inpekna a ni a, a chhuanawm hle a ni a ti.

MBSE leh School Education Department-a thawktute thahnemngaihna leh inpekna a chhuanawmin fak an phu tak zet a ni a ti a. Hripui leng karah Exam him leh felfai tha neih theihna tura ruahmanna siampuitu State Executive Authority, LLTF/ VLTF te leh Mizo mipuite tawngtaina chungah lawmthu a sawi.

(CORR)

<><><>

MARA STUDENTS

Tunlaia khawsak phung harsa tak karah zirlai te exam leh zirna chu internet hmanga kalpui a ngaih avangin, internet nei tha lo ten harsatna hrang hrang an tawk a,

Hetihlai hian he harsatna avanga kun mai lova tihdan tha leh a theih dan dapin Mara Students Organisation chuan Siaha Dist-a Mawhrei khuaa Mizoram University Undergraduate zirlai te online examna tur an ruahman a, an khua atanga km 3 a hla, tlang sanga internet hmuh theihnaah bawk khawhin zirlaite examna tur hmun an siam a, hetah hian internet signal pawh hmu theiin tluang takin zirlai ten exam an zo thei a ni.

MSO Gen Secy Judson-a chuan hetianga ruahmanna an siam mai hi a ngai tih a sawi a, zirlai ten tluang taka an exam thei chu an lawm hle tih a sawi a ni.

(CORR)

<><><>

COVID

Nimin khan Meghalaya-ah COVID-19 hri kai 552 hmuhchhuah a ni a. Hri vei enkawl lai mi pakua an thi. State chhunga COVID-19 avanga thi hi 625 an tling tawh a. Nimin vek khan hri vei enkawl dam 594 an awm a. Ti hian hri vei enkawl dam hi 30,172 an awm tawh a. Tun dinhmunah hri vei enkawl mek 6352 an awm a ni.

Manipurah chuan hri kai hmuhchhuah zat tlahniam hretin Sample test atangin zaa 10.76 in hri an kai a. Nimin khan hri kai 621 hmuhchhuah a ni a. Tun dinhmunah hri vei enkawl mek 8863 an awm a. Mi 10 in an thihpui leh a. Ti hian hri avanga thi hi 849 an awm tawh a. Hri vei enkawl dam tawh hi 43,187 an awmin hei hi za zelah 81.64 a ni.

(Newsonair)

<><><>

PM

Prime Minister Narendra Modi-a chuan nimin khan CBSE pawl 12 board exam thulh anih chungchangah zirlai leh an nu leh pate internet kaltlangin a kawm a. PM Modia chuan zirlaite chu exam avanga rilru ti hah lo turin a chah a, tuna sorkar thutlukna pawh anmahni tana tha ber tura rel a ni a ti a. Hriselna ngai pawimawh tur leh taksa inthazo taka awm turin a chah bawk a ni. Nimina inkawmhonaa hi Union Education Ministry huaihawt a ni a. Pu Modi-a hian nu leh pa leh zirlaite hnen atangin rawtna an neih hrang hrangte a ngaihthlaksak bawk a ni.

(Newsonair)

<><><>

CHIEF ECONOMIC ADVISER

Chief Economic Advisor K V Subramanian chuan ramchhung eibar dinhmun chu thlaleh atangin a insiamtha chho tan dawn a ti. Nimina thuthar thehdarhtu pakhatin a kawmnaah Pu Subramaniam-a chuan COVID-19 hri leng thawh hnihna khan ram eibar dinhmun insiamtha chho mek a nghawng nasa a ti a. State sorkarten inkhuahkhirhna an thlahdul tan thu leh vaccine hi chak tak pek anih chuan ram eibar zawnna chu a insiamtha chho ang a ti a. India chuan kumin December thlaah mi zawng zawng vaccine a pe vek tawh dawn a ni a ti bawk a ni.

(Newsonair)

<><><>