Пешкўда 42 метрли улкан байроқ ўрнатилди

Мамлакатимиз мустақиллигининг 29 йиллиги муносабати билан Пешкўда улкан байроқ ўрнатилди.

Бугун туман маркази янада чирой очиб, бир-биридан муҳташам иншоотлар қад ростламоқда. Мазкур ҳудудда баландлиги 42 метр, ҳажми 10 метрга 5 метр бўлган Давлат байроғи ўрнатилди. Мазкур улкан байроқ пешкўликларнинг миллий рамзимизга садоқатининг амалий тасдиғи бўлди.

Давлат байроғининг ўрнатилганлиги муносабати билан ўтказилган тадбир катта тантанага айланди. Мустақиллигимизнинг рамзи бўлган Давлат байроғи бу ерга ташриф буюрган ҳар бир юртдошимиз қалбида фахр-ифтихор туйғуларини жўш урдиради. Қолаверса, ёш ўғил-қизларимизнинг ватанпарвар, ўз юртига содиқ, комил инсон бўлиб вояга етишларига ушбу салобатли байроқнинг ҳиссаси катта бўлади.