Papa

                                                          Жантолы  Бөкен  Қабиұлы

1954 жылы Ақтөбе облысы Ойыл ауданы Жетікөл ауылдық кеңесінде дүниеге келген. 1974 жылы Гурьев мемлекеттік педагогика институтын бітіріп, осы ауылдағы  Қараой орта мектебіне мұғалім  болып жұмысқа орналасқан. 1975 жыл мен  1986 жылдар арасында Жетікөл кеңшарында механизатор- комбайнер болып жұмыс жасаған. Жоғары еңбек өнімділігін көрсетіп, 1977, 1978, 1980 жылдары егін орудан Ойыл ауданының чемпионы атанған. Сол жылдары егін орудағы ерекше жетістіктері үшін Совет Одағы жастарына берілетін ВЛКСМ орталық комитетінің «Алтын масақ» белгісімен марапатталған. СССР Жоғарғы Кеңесі президиумының  1981жылғы 19 февральдағы жарлығымен «Еңбектегі ерлігі үшін» медалімен наградталған. Бірнеше жыл қатарынан социалистік жарыстың жеңімпазы атанған. 1987 жылы Еңбекшілер депутаттары Жетікөл селолық Кеңесі атқару комитетінің төрағасы лауазымына сайланған. 1993 жылдан Қараой селолық округінің әкімі, 2000 жылдан 2004 жылға дейін Қараой орта мектебінің директоры, 2004 жылдан 2008 жылға дейін Қараой селолық округінің әкімі, 2008 жылдан зейнеткерлікке шыққанға дейін Ойыл аудандық ішкі саясат бөлімінің басшысы, аудандық мәдениет және тілдерді дамыту бөлімінің басшысы, Ойыл аудандық мәслихатының ұйымдастыру бөлімінің басшысы қызметтерін атқарған. Еңбек еткен жылдарында Қазақстан Республикасы Президентінің , Облыс және аудан әкімдерінің алғыс хаттарына бірнеше рет ие болған. Облыстық мәслихат пен кәсіподақтар федерациясының Құрмет грамотасын алған. Сонымен бірге «Қазақстан мәслихаттарына 20 жыл», «Қазақстан мәслихаттарына 25 жыл» мерекелік медалдарымен наградталған. Отбасында 5 бала тәрбиелеп, өсірген.