Новости
Тыңайтқыштардың құнын субсидиялау қағидалары өзгердіҚазақстан Республикасы Ауыл шаруашылығы министрінің м.а. 2018 жылғы 17 шілдедегі № 310 бұйрығымен Тыңайтқыштардың құнын (органикалық тыңайтқыштарды қоспағанда) субсидиялау қағидалары өзгертілді.
Негізгі өзгерістер мынадай ұғымдардың енгізілуімен байланысты:
1) жеке шот – субсидиялауға арналған өтінімдерді (өтпелі өтінімдерді) тіркеу және олар бойынша операцияларды есепке алу мақсатында тіркелген тұлғаны сәйкестендіруге мүмкіндік беретін тізілімдегі жазбалар жиынтығы;
...
8) танаптың электрондық картасы – бұрылыс нүктелерінің координаталарын, соңғы екі жылдағы ауыспалы егіс туралы ақпаратты және жерді қашықтықтан зондтау спутниктерінен алынған мәліметтерді қамтитын ауыл шаруашылығы мақсатындағы жер учаскесінде орналасқан танап туралы ақпарат;
...
13) электрондық агрохимиялық картограмма – танап топырағының өсімдіктер үшін сіңімді қоректік элементтермен – қарашірікпен, макро және микроэлементтермен қамтамасыз етілуі дәрежесін түсті бейнеде көрсететін, топырақты агрохимиялық зерттеп-қарау жөніндегі мамандандырылған (аккредиттелген) зертхана берген картографиялық ақпарат;
Одан бөлек, субсидиялауға арналған өтінімдердің нысандары жаңартылды және субсидияларды есептеу тәртібі өзгерді.
Субсидиялар алу талаптарына мынадай тармақтар қосылды:
6) ауылшартауарынөндірушіге жер пайдалану және (немесе) жеке меншік құқығында тиесілі жер учаскелерінің бүкіл егістік алаңына арналған электрондық танаптар карталарының субсидиялаудың ақпараттық жүйесінде тіркелуі;
7) ауылшартауарынөндірушіге жер пайдалану және (немесе) жеке меншік құқығында тиесілі жер учаскелерінің бүкіл егістік алаңына арналған электрондық агрохимиялық картограмманың субсидиялаудың ақпараттық жүйесінде тіркелуі.
Субсидиялар алудың қосымша талаптарынан басқа, барлық өзгерістер 2018 жылғы 15 қыргүйектен бастап қолданысқа енгізіледі. Электрондық танаптар карталарын және электрондық агрохимиялық картограмманы тіркеу талаптары 2019 жылғы 1 қаңтардан бастап қолданысқа енгізіледі.
«Тыңайтқыштардың құнын субсидиялау қағидалары өзгерді»
© Материал из ЭС «ACTUALIS: Главбух».