Новости
Бейрезидент-жеке тұлғалардың кірістеріне салық салу. Ресей азаматымен еңбек шарты: салықтар мен жарналарИрина Ногоспаева, эксперт ЭС «ACTUALIS: Главбух», Профессиональный бухгалтер РК, финансовый директор ТОО "Фирма Прино", г. Алматы
Жағдайдың сипаттамасы:
«А» ЖШС оңайлатылған декларация негізінде АСР қолданатын шағын бизнес кәсіпорны, жұмысқа бейрезидент – Ресей азаматын қабылдайды.
Сауалдар:
1. Қандай құжаттар ресімдеу керек?
2. Бұл жұмыскердің кірісінен 2018 жылы қандай салықтар төленеді?
Жауап:
Жұмыскер Ресей азаматы болғандықтан, ЕЭО туралы шарттың негізінде ҚР-да еңбек қызметін жүзеге асыруға рұқсат алуы талап етілмейді.
ҚР Еңбек кодексінің 32-бабына сәйкес еңбек шартын жасау үшін келесі құжаттар:
1) жеке куәлiк немесе паспорт (он алты жасқа толмаған адамдар үшiн туу туралы куәлiк);
2) тұруға ықтиярхат немесе азаматтығы жоқ адамның куәлігі (Қазақстан Республикасының аумағында тұрақты тұратын шетелдіктер мен азаматтығы жоқ адамдар үшін) не босқын куәлігі;
3) тиісті білімді, машық пен дағдыны талап ететін жұмысқа еңбек шартын жасасу кезінде білімі, біліктілігі туралы, арнайы білімі немесе кәсіптік даярлығының болуы туралы құжат;
4) еңбек қызметін растайтын құжат (еңбек өтілі бар адамдар үшін);
5) алдын ала медициналық куәландырудан өткені туралы құжат (осы Кодекске және Қазақстан Республикасының өзге де нормативтік құқықтық актілеріне сәйкес осындай куәландырудан өтуге міндетті адамдар үшін) қажет.
2017 жылы 25 желтоқсандағы Салық кодексі 655-бабы 3-тармағының негізінде төлем көзінен салық салуға жататын кірістер бойынша жеке табыс салығын есептеуді салық агенті салықтық шегерімдерді жүзеге асырмастан, осы Кодекстің 319-бабы 2-тармағында көзделген ережелерді ескере отырып, осы Кодекстің 322-бабының 1-тармағында айқындалған кірістерді қоса алғанда, бейрезидент-жеке тұлғаның мынадай кірістері:
жұмыс беруші болып табылатын резидентпен немесе бейрезидентпен жасалған еңбек шарты (келісімі, келісімшарты) бойынша Қазақстан Республикасындағы қызметінен түсетін сомасына осы Кодекстің 320-бабының 1-тармағында белгіленген мөлшерлемені қолдану арқылы жүргізеді.
Салық кодексінің 320-бабы 1-тармағында 10 пайыз жеке табыс салығы белгіленген.
Еңбек шарты бойынша бейрезидент-жеке тұлғаның кірісіне салықтық шегерімдерді жүзеге асырмастан 10 пайыздық мөлшерлемеде жеке табыс салығы салынады.Салық кодексі 217-бабының ережелеріне сай шетелдік-жұмыскер резидент (бұндай жұмыскер ҚР аумағында болуы 183 күнтізбелік күннен артық) болса, онда жеке табыс салығын есептеген кезде салықтық шегерімдер қолданылады.
2017 жылы 25 желтоқсандағы Салық кодексінің 484-бабы 2-тармағының негізінде жұмыскердің осы Кодекстің 322-бабының 1-тармағында белгіленген кірістері, соның ішінде жұмыс берушінің осы Кодекстің 644-бабы 1-тармағының 20), 23) және 24) тармақшаларында белгіленген шығыстары салық салу объектісі әлеуметтік салық болып табылады.
2017 жылы 25 желтоқсандағы Салық кодексінің 485-бабы 1-тармағының негізінде әлеуметтік салық 2018 жылдың 1 қаңтарынан бастап, 9,5 пайыз мөлшерлемесінде есептеледі.
Бейрезидент-жұмыскердің кірісінен 9,5 пайыздық мөлшерлеме бойынша әлеуметтік салық есептеледі.
Еуразиялық экономикалық одақ туралы шарттың 98-бабы 3-тармағына сай мүше мемлекеттердің еңбекшілері мен олардың отбасы мүшелерін әлеуметтік қамсыздандыру (әлеуметтік сақтандыру) (зейнетақыдан басқа) жұмысқа орналасу мемлекетінің азаматтары сияқты шарттарда және тәртіппен жүзеге асырылады.
ЕЭО-ға мүше мемлекеттердің еңбекшілерін және олардың отбасы мүшелерін зейнетақымен қамсыздандыру тұру тұратын мемлекетінің заңнамасымен, сондай-ақ ЕЭО-ға мүше мемлекеттер арасындағы жеке халықаралық шартқа сәйкес реттеледі.
Қазақстан Республикасында зейнетақымен қамсыздандыру туралы Қазақстан Республикасының 2013 жылғы 21 маусымдағы № 105-V Заңының 2-бабы 2-тармағының негізінде Қазақстан Республикасының аумағында тұрақты тұратын шетелдiктер мен азаматтығы жоқ адамдар, егер заңдарда және халықаралық шарттарда өзгеше көзделмесе, Қазақстан Республикасының азаматтарымен бiрдей зейнетақымен қамсыздандырылу құқығын пайдаланады.
Ықтиярхаты жоқ, Ресей Федерациясының азаматы – жұмыскердің кірістерінен әлеуметтік аударымдар, Әлеуметтік медициналық сақтандыру қорына аударымдар есептеледі және міндетті зейнетақы жарнасы есептелмейді.
Бейрезиденттің кірістері мен салықтық міндеттемелері 200.00 салық нысанында көрінеді.
© Материал из ЭС «ACTUALIS: Главбух».