NEWS

Украина ҳужумида 9 та бригада иштирок этиши мумкин, бунинг учун 253 та танк, 480 та машина ва 147 та артиллерия керак бўлади, деб ёзади Newsweek Америка разведкаси ҳужжатларига таяниб.

Американинг Newsweek нашри Украинанинг режалаштирилган ҳужуми 30 апрелдан бошланишини даъво қилмоқда. Нашр 17 апрель, душанба куни таъкидлаганидек, бу уч ҳафта олдин эълон қилинган «Америка разведкаси ҳужжатлари»дан айтилган. «Махфий» ва «ўта махфий» деб белгиланган ҳужжатлар Украинадаги урушнинг бориши ҳақида муҳим маълумот беради.

Newsweek нашри эълон қилган 20 та ҳужжатдан бирига кўра, Украина ҳужумида тўққизта бригада иштирок этиши режалаштирилган. «Улар учун зарур бўлган жиҳозларнинг умумий миқдори «253 та танк, 381 та механизациялашган машина, 480 та автомобил техникаси ва 147 та артиллерия, шунингдек, 571 та Американинг HMMWV зирҳли техникасидан иборатдир», - дейилади матнда. Бундан ташқари, ҳужжатга кўра, АҚШ ва иттифоқчилар томонидан Украина қўшинларининг барча машғулотлари Украинадан ташқарида амалга ошириляпти.

Ҳужжатларнинг ҳақиқийлиги тасдиқланмаган. Мутахассисларнинг таъкидлашича, уларнинг баъзилари ҳеч бўлмаганда қисман таҳрирланган.