E’ZOZLI MAMLAKATNING E’ZOZLI SHIFOKORLARI
https://t.me/tuychiyev_uzRespublikamiz bo‘ylab karonavirus avj olayotgan bir paytda shifokorlarning qahramonlik qilayotganlari tahsinga loyiq, albatta. Shifokor - elga madadkor, degan shiorlarni avvallari ham eshitardik, o‘zimiz aytardik va baralla jar solardik. Ammo, qadriga yetmasdik o‘sha madadkorlarni. Bugun ikkinchi bor ota bo‘lib, ayni virus avj olganiga qaramay tug‘uruqxonada mehrli mehnat qilayotgan shifokorlarga chuqur minnatdorchilik bildiraman.
Ha, haqiqatdan fidoyi va vatanparvar ular... Har bir ayolga, ona va bolaga yuksak e’tibor bilan, o‘z farzandlariga muomala qilganday munosabatda bo‘lishlari, e’zozlashlari va qadrlashlari har kimni ham to‘lqinlantiradi. Chindan, xalqni e’zozlagan kishilar xalqdan e’zoz topadi.
Shunday ekan, e’zozli mamlakatning e’zozli shifokorlari - Sirdaryo viloyati Perinatal markazi rahbari - Sadikova Xanifa Zakirovnaga, Akusher ginekologlar - Mirzaqulova Matluba Jo‘rayevnaga, Xojayeva Shaxlo Tursunbayevnaga, Neonatolog - Egamqulova Xafiza Lapasovnalarga oilam va o‘zim nomimdan katta rahmat aytaman.
Doimo sog‘-salomat bo‘ling. Biz siz bilan faxrlanamiz AZIZ SHIFOKORLAR.
Fotobloger: Anvar Tuychiyev