Ёшлар хафталиги доирасида “Барчамиз бир сафдамиз!” шиори остида Сирдарё туманидаги республика ўғил болалар махсус ўқув-тарбия муассасасида ўтказилган Миллий ўйинлар фестивали

Ўзбекистон Республикаси Президентининг 2019-йил 30-июндаги “Ихтисослаштирилган ўқув-тарбия муассасалари фаолиятини тубдан такомиллаштиришш тўғрисида”ги ПҚ-4342-сонли Қарорининг ижросини таъминлаш мақсадида жорий йилнинг 13 март куни Сирдарё тумани Бахт шаҳрида жойлашган Республика ўғил болалар махсус ўқув-тарбия муассасасида махсус мактаб тарбияланувчилари ҳамда Ички ишлар идораларида профилактик ҳисобда турган вояга етмаган ёшлар иштирокида Ёшлар хафталиги доирасида “Барчамиз бир сафдамиз!” шиори остида “Ўз болангни ўзинг асра” мавзусидаги давра суҳбати бўлиб ўтди.

Шунингдек, тадбир доирасида вояга етмаган ёшлар иштирокида миллий ўйинларнинг арқон тортиш, хўрозлар жанги, ланка тепиш, тош кўтариш ҳамда спортнинг армрестлинг, футбол, волейбол, шахмат, шашка турлари бўйича мусобақалар ўтказилди.