MF
Local Newsညဘက်ကောင်းစွာ အိပ်စက်နည်း (၅)မျိုး
လူတိုင်း တစ်လမှာ တစ်ခါလောက်တော့ အကြောင်းအမျိုးမျိုးကြောင့် အိပ်ရေးပျက်လေ့ရှိကြပါတယ်။
အိပ်ရေးမဝခြင်းကြောင့် နေ့စဉ်လှုပ်ရှားမှုတွေကို ထိခိုက်လာစေပါတယ်။
ကောင်းမွန်စွာအိပ်ရေးဝဝ အိပ်စက်ရပါမှ ခွန်အားပြည့်ဝပြီး တစ်နေ့တာမှာ အဆင်ပြေနေစေမှာ ဖြစ်ပါတယ်။
လူတစ်ယောက်ကောင်းစွာ အိပ်စက်နိုင်ဖို့ နည်းလမ်းများကို ကယ်လီဖိုးနီးယားတက္ကသိုလ်မှ စိတ်ကျန်းမာရေးပရော်ဖက်ဆာ 'အဲရစ်ပရာသာ'က ဖော်ပြခဲ့ပါတယ်။
(၁) အိပ်စက်ခြင်းအခြေအနေကို ဒိုင်ယာရီမှတ်သားပါ။
အိပ်ရာဝင်တဲ့အခါ ဖြစ်တတ်တဲ့စိုးရိမ်မှုများကို ရေးမှတ်ထားခြင်းဖြင့် အကျိုးရှိနိုင်ပါတယ်။
(၂) တစ်သမတ်တည်းမမျှော်လင့်ပါနှင့်။
အိပ်ရေးပျက်တဲ့ညမျိုး ရှိဖူးရင် အိပ်မပျော်တတ်တဲ့ဝေဒနာကို ပိုဆိုးစေတတ်သလို ကောင်းကောင်းအိပ်ရတဲ့နေ့မျိုး ခံစားရလို့ အမြဲတမ်းမျှော်လင့်လို့မရပါဘူး။
(၃) နေ့တိုင်းအချိန်မှန်မှန်အိပ်ရာထပါ။
အိပ်ဖို့ခက်ခဲနေတယ်ဆိုရင် အချိန်မှန်မှန်အိပ်ရာထခြင်းဖြင့် အိပ်စက်မှုစက်ဝန်းကို ထိန်းညှိပေးနိုင်ပါတယ်။
(၄) စိတ်ပြေလျော့စေရန်အချိန်ပေးပါ။
ဦးနှောက်စွမ်းဆောင်မှု အပြည့်အဝဖြစ်စေရန် စိတ်ပြေလျော့အောင်ပြုလုပ်ဖို့ အရေးကြီးပါတယ်။
တီဗီအစီအစဉ်၊ အေးချမ်းတဲ့တေးသီချင်း နားထောင်ခြင်းဖြင့် ပြေလျော့စေနိုင်မှာဖြစ်ပါတယ်။
(၅) အိပ်ချိန်အလုံအလောက်ရအောင် ကြိုးစားပါ။
နည်းပညာတွေ ထွန်းကားလာတာကြောင့် အိပ်ချိန်နည်းလာကြပါတယ်။
လူမှုစီးပွားရေးအခြေအနေတွေကြောင့်လည်း တန်းတူညီမျှအိပ်ချိန်မတူကြပါဘူး။
ဒါကြောင့် ကောင်းစွာအိပ်စက်ခွင့်မရရင် မရရအောင် အနားယူရဖို့အရေးကြီးပါတယ်။
အိပ်ရေးဝဝ မအိပ်ရတာက စိတ်ဖိစီးမှုကို ဖြစ်စေပါတယ်။ ဒါကြောင့် စိတ်ဖိစီးမှု ကင်းချင်တယ်။ စိတ်ခံစားမှု ကောင်းချင်တယ်ဆိုရင် ညဘက်မှာ ကောင်းကောင်း အိပ်ပျော်စေဖို့ အခု ဖော်ပြပေးထားတဲ့ နည်းလမ်းလေးတွေကို လုပ်ကြည့်ပါ။
#myanmarfocusonlineplatform