Метод.

Маълумотлар қуйидаги кўринишда қайта ишланади: бунда юзлик учбурчаклар сонини, ўнлик айланалар сонини, бирликлар квадратлар сонини ифодалайди.

Масалан, 3 та учбурчак, 4 та айлана, 3 та квадрат қўлланилган бўлса, бу 343 сонини пайдо қилади. Ушбу сон расм формуласини ташкил қилади.

Қисқа қилиб тушунтирсак, биринчи бўлиб учбурчак шаклини кейин айлана сўнг квадрат шаклини санайсиз. Чиққан сондан қайси типга мансублигингизни аниқлаб оласиз.

Қуйида формулалар. Ўз формулангизни аниқланг.

I Тоифа тип формулалари: 901, 910, 802, 811, 820, 703, 712, 721, 730, 604, 613, 622, 631, 640.

II Тоифа тип формулалари: 505, 514, 523, 532, 541, 550.

III Тоифа тип формулалари: 406, 415, 424, 433, 442, 451, 460. 

IV Тоифа тип формулалари: 307, 316, 325, 334, 343, 352, 361, 370. 

V Тоифа тип формулалари: 208, 217, 226, 235, 244, 253, 262, 271, 280. 

VI Тоифа тип формулалари: 109, 118, 127, 136, 145, 019, 028, 037, 046.

VII Тоифа тип формулалари: 550, 451, 460, 352, 361, 370, 253, 262, 271, 280. ,154, 163, 172, 181, 190, 055, 064, 073, 082, 091.

VIII Тоифа тип формулалари: 901, 802, 703, 604, 505, 406, 307, 208, 109.

Типлар характеристикаси.

I ТОИФА - раҳбар. 

Одатда бундай одамлар бошқариш ва ташкиллаштириш фаолиятига мойил бўлишади. Улар хулқ- атворнинг ижтимоий-аҳамиятли нормаларига йўналган бўлиб, нутқлари юқори даражада ривожланган ва яхши ҳикоячилик қобилиятига эга бўладилар.

Ижтимоий соҳага яхши мослаша оладилар, бошқалар устидан устунликни маълум чегарада ушлаб тура оладилар. Бундай одамлар одатда яшил рангни танлайдилар (М.Люшер бўйича) ва «Дарахт» тестида арчани чизишади.

Бошқалар устидан кучли устунлик 901, 910, 802, 811, 820 чи рақам эгаларида ифодаланган, 703, 712, 721, 730 чи рақам эгаларида вазиятга қараб устунлик, 604, 613, 622, 631, 640 чи рақам эгаларида одамларга нутқ ёрдамидаги таъсирдаги устунлик ифодаланган бўлиб, улар одатда вербал раҳбарлар ёки ўқитувчилар тоифаси бўлиши мумкин.

Шуни билиш лозимки, ушбу сифатларнинг намоён бўлиши синалувчининг психик ривожланганлик даражасига боғлиқ. Ривожланиш юқори даражада бўлса, ривожланишнинг индивидуал белгиларини рўёбга чиқариш мумкин, улар анча яхши англанади. Ривожланиши паст даражада бўлса улар касбий фаолиятда намоён бўлмайди, балки вазиятга қараб намоён бўлади. Бу характеристикалар барча таърифларга хосдир.

II ТОИФА - масъулиятли ижрочи.

Бу тип ҳам «раҳбар» типига тааллуқли кўплаб хислатларга эга, бироқ, масъулиятли қарорлар қабул қилиш чоғида иккиланади. Одамларнинг бундай типи ишни бажаришга кўпроқ йўналган бўладилар, ўта маҳоратли, масъулиятли ва ўзига ҳам, бошқаларга ҳам талабчан, ҳақиқатгўй, яъни ҳар жойда адолатпарварлиги билан ажралиб турадилар. Кўпинча улар ортиқча зўриқиш натижасида асаб билан боғлиқ соматик касалликлар билан огрийдилар.

III ТОИФА - хавотирланувчи-шубҳали тип. Бундай кишилар ранг-баранг қобилиятлар ва иқтидор эгалари бўлишади. Уларда нафис қўл ҳаракатлари кўникмаларидан тортиб адабий иқтидоргача бор. Одатда бундай одамларга бир касбнинг ўзи камлик қилади, улар ўз касбларини кутилмаганда мутлақо бошқа соҳага ўзгартиришлари мумкин. Одатда уларнинг иккинчи касб вазифасини бажарувчи хоббилари бор. Тартибсизлик ва ивирсишга тоқат қила олмаганликлари учун кўплаб низоларга киришадилар. Кўнгиллари ўта нозик ва кўпинча ўзларига ишончсизлар. Тасаллига муҳтождирлар.

Бундан ташқари 415 рақами назмий иқтидор эгаларига мансуб, 424 рақами ўз ишини ўта пухта қиладиган кишиларга тааллуқли, уларни ''Қандай қилиб ёмон ишлаш мумкинлигини тасаввур қилолмайман!» деган жумладан билиб олиш мумкин.

IV ТОИФА - олим.

Бундай одамлар воқеликдан осонгина хаёлотга бериладиган, концептуал ақл эгалари бўлиб, ҳатто ўз таълимотларини ишлаб чиқиш қобилиятига эгалар. Одатда руҳий мувозанатга эга бўлиб, ўз хулқ-атворларини ақл билан бошқариб турадилар.

316-рақам эгаси одатда глобал назариялар яратиш қобилиятига ёки улкан ҳамда мураккаб мувофиқлаштириш ишларини амалга ошириш салоҳиятига эга. 325 рақами эгалари ҳаётга, саломатликка, биология ва медицинага оид билимларга ўчлиги билан ажралиб турадилар.

Бу тип вакиллари орасида кўпинча кино, цирк, режиссура, мультипликация каби синтетик санъат турлари билан шуғулланадиганлар учраб туради.

V тоифа - интуитив тип.

Бу тоифадаги одамлар сезгир асаб тизимига эга бўлиб, тез ҳолсизланади. Бир фаолиятдан бошқасига ўтишни талаб этадиган соҳаларда яхши иш берадилар. Янгиликка ўта сезгирлар. Альтруист, ўзгаларга ғамхўрлик намоён қиладилар, яхшигина қўл малакаларига ва образли хаёлга эгалар. Бу эса уларга ўз навбатида техника турлари билан шугулланиш имконини беради. Одатда ўзларининг ахлоқ меъёрларини ишлаб чиқадилар, ўз эркига тажовуз қиладиган ҳар нарсага салбий муносабат билдириб, ўз-ўзини назорат қилишни афзал биладилар.

235-рақам эгаси кўпинча профессионал психологлар ёки психологияга ўта қизиқадиган одамлар орасида кўп учрайдилар; 244 рақами эгаси адабий ижод қобилиятига эга; 217-рақам эгалари кашфиётчилик қобилиятлари бор кишилар; 226 рақами эгасида янгиликка катта эҳтиёжи бор, одатда ўз олдига юқори мақсадлар қўяди.

VI тоифа - кашфиётчи, конструктор, рассом. Бу тоифа техник қобилияти бор кишилар орасида кўп учрайди. Бундай одамлар бой тасаввур, фазовий кўра олиш қобилиятларига эга бўлиб, кўпинча техник, бадиий ва интеллектуал ижоднинг ҳар хил турлари билан шуғулланишади. Кўпинча интуитив типга ўхшаб эътибори ўз ички оламига қаратилган бўлиб, улар ҳам ўз ахлоқ меъёрлари билан яшашади, ўз-ўзини назорат қилишдан бошқа ташқаридан бўладиган таъсирнинг биронтасини ҳам қабул қилмайди. Ҳис-туйғуларга берилувчан, ўзининг оригинал ғоялари фидойиси.

019 рақами аудиторияни яхши бошқара оладиган одамлар орасида кўп учрайди; 118 рақами эса конструкторлик имкониятлари ва кашфиётчилик қобилиятлари кучлироқ ифодаланган одамларда учрайди.

VII тоифа - эмотив тип.

Бу тоифа одамлар бошқаларга нисбатан кучли ҳамдардлик хусусиятига эга, ҳатто фильмларнинг қийноққа соладиган кадрларини кўрганда ҳам огриқ ҳис қилишади, қийноқли ҳодисалардан узоқ муддатга эс-ҳушини йўқотиб қўйишади. Бошқаларнинг дарди ва ташвишига хайрихоҳ бўлганлиги ва ачингани туфайли руҳан тез толиқади. Оқибатда, ўзларининг қобилиятларини рўёбга чиқаришни қийинлаштирадилар.

VIII тоифа - эмотив типнинг акси. Бу тоифа одамлар бировлар дардини ҳис қилмайди ёки уларга эътиборсизлик билан муносабатда бўлишади. Ҳатто одамларга босим ўтказишни кучайтирадилар. Агар у яхши мутахассис бўлса, ўзи зарур деб ҳисоблаган ишни қилишга бошқаларни мажбур эта олади. Баъзан бирон бир сабаб туфайли одам ўз муаммоларига ўралашиб қолган вазиятда унга бағритошлик хос бўлади.

@ruhshunoslik