Маркетолог

Кәсіптің сипаттамасы

Маркетолог қызметінің құзырына тұтынушы талғамын зерттеу, заттардың сатылым барысын, өнімге сұранысты зерттеу, нақты заттар мен ұсынылатын қызметтердің нарықтық құнына сала бойынша мониторинг жүргізу, интервьюер жұмысын ұйымдастыру, арнайы компьютер бағдарламасының көмегімен ақпаратты өңдеу, графика және сандармен есеп беруді құрастыру, салыстырмалы сипаттама шығару, нұсқаулықтар әзірлеу кіреді.

Кәсіптің ерекшелігі

Маркетолог маманның жұмысы өнімнің сатылымға түсуінен әлдеқайда бұрын басталады. Өнімді өндірмес бұрын (сауда-саттық фирмаларында – сатып алу туралы шешімді қабылдағанға дейін) маркетолог зат қайда және кімге есептелінгенін, нарықтағы ықтимал сыйымдылығы қаншалықты екендігін бәсекелестердің жұмысына талдау жасап анықтап алуы керек.

Талап етілетін қасиеттер

Маркетолог маманның басты жеке тұлғалық қасиеттері – зеректік, аналитикалық ойлану, сандармен жұмыс жасауды ұнату, күйзеліске төзімділік, коммуникабельділік, шығармашылық тәсілмен жол таба алу, нәтижеге бағдар алу. Көшбасшылық, тез үйренуге бейінділік, талдау және болжам жасай алу, жауапкершілік сияқты қасиеттердің болуы жылдам әрі жақсы көрсеткішке қол жеткізеді.

Міндеттері

Маркетолог маркетингтік зерттеулер жүргізуді басшылыққа алады. Тұтынушы талғамын зерттейді. Бәсекелестердің жұмысына талдау жүргізеді. Бәсекелес компаниялардың қандай басымдықтары бар екенін анықтайды. Өндірілген затты қолданатын саланы анықтайды және арнайы өздері үшін өндірілген өнімді сатып алушы топтарды жасақтайды. Стратегиялық жоспарлау жүргізеді. РR және бренд жарнамасының жылжуын басшылыққа алады. Жүргізілген маркетингтік шаралардың тиімділігін зерттейді. Брендке салынған маркетингтік инвестицияның қайтымын бағалайды. Өнімнің құнын шығару мәселесімен айналысады. Коммуникативті стратегия әзірлейді және оны жүзеге асырады. Жарнамалық және PR-агенттермен байланыс орнатады және тығыз араласады.

Аталған кәсіп бойынша оқытылатын мамандықтар:

• 5В050700 – Менеджмент
• 5В051100 – Маркетинг

Кәсіптің сұранысқа иелігі:

Осы мамандық бойынша бітірген түлектер саны (2014-2015 жж.) – 2098 түлек

Осы кәсіп мамандары бойынша бос орындар – дерек жоқ.