Magnum

Words: 1085

Reading time: 4:20 minutes

Mahaba ang pila at nababagot na ako habang nakatayo.

Pauwi na ako ng mga oras na 'to.

Sa dami ng tao halos parang blockbuster na ang pila.

Naisip ko na lang na, makinig ng music, kaya kinuha ko ang earphones ko.

Sa haba ng pila hindi ko na rin namalayan na, unti-unti na pala akong napapalapit sa jeep.

"Kunti na lang makakasakay na ako," bulong ko sa aking sarili habang nakamasid sa mga tao na may kanya-kanyang trip, nang biglang may pumutol sa tahimik kong pagmamasid.

"Abnormal, ang sikip na nga naisip pang magpaepal. Edi mas naging crowded." Isang lalaking naka-white suit and tie attire. Ang nagpapaepal sa mga tao, mukha syang magician dahil sa galaw n'ya.

At dahil isa s'yang epal, natuon ang pansin ko sa paepalan n'ya.

"Hmmmmm, muntaeng mga magic, ang common halata namang may daya." Kinuha ko ang phone ko at pinatay ang music, halata sa mukha ko ang pagkayamot. Buti na lang at makakasakay na ako.

"Oh!!! Lima pa sa kaliwa! Sa kanan mga walang jowa, isa pa! Aalis na!" bulyaw ng isang barker.

"Buti naman makakaalis na ako, whoo! Ka-stress tae." Paalis na ang jeep at isa na lang, at don ko nanaman nakita ang epal na magician.

"Hi, magandang araw mga nilalang, ako ay isang magician at may ipapakita akong magic." sabi nitong epal na magician.

Sa di malaman na dahilan ay nag-init ang dugo ko dahil sa daldal n'ya.

At don ko di inaasahang...

"Kuya, pwede bang tumigil kana? Ang ingay mo." Matapos ang reklamo ay tinitigan ko lang sya nang di maganda.

"Ganun ba miss? O sige..." Itutuloy na sana n'ya ang pagsasalita ngunit agad ko s'yang binara.

"Tama na, mukha namang walang bago sa magic mo at diba? Mukha ring napahiya kana malakas pa loob mo magsalita manahimik kana lang, okay?!" Napatahimik ang lahat at napatingin palayo, marahil ay ramdam nila ang pagkapahiya ng lalaki.

"Psychology student ako, kaya alam ko paano tumatakbo ang isip ng tao at kaya kita basahin." ang sabi ko pa.

"Oh? Talaga? Basahin mo nga ako?" Hamon nitong kupal na lalaki sakin, sabay titig sa mga mata ko, na mas nagpainit ng dugo ko, habang nakatitig sa akin ay, nakita kong idinako n'ya ang kanyang mga paa palayo sakin.

"Hnmm, mukhang sinusubukan ako nitong lalaking 'to," bulong ko sa sarili.

"Okay, alam ko napahiya kita, kaya balak mong gumanti kaya ganyan ang kinikilos mo, pero mukhang nantitrip ka, kasi iba't ibang gesture ginagawa mo, muntae ka." sabi ko sa kanya sabay titig nang masama.

"Nantitrip ka, gusto mo gumanti ayan nasa isip mo, happy kana?" dagdag ko pa sa kanya.

"Hindi kita trip, natutuwa nga ako sayo, ang cute mo. Ahahah!" sagot n'ya sakin.

Nabubwisit na ako sa kanya, pero kalmado parin ang kilos ko.

Nagkamali ako, nong akala kong tatahimik na s'ya.

"Kaya ko rin basahin ang isip mo," ika ng Magician.

Nakita kong kumuha s'ya ng papel at nagsulat.

"Mag-isip ka ng tatlong salita," ang sabi n'ya sakin kaya't nag-isip naman ako.

Iniabot n'ya sa babaeng katabi n'ya at sabi, "basahin mo sa isip mo," matapos 'yon ay tinignan n'ya ako.

Nakakatunaw na titig.

Sabay sabing.

"Ahem!!!"

Nagulat ako bigla at di ko mapaliwanag na parang nailang ako bigla sa kanya.

"Bigay mo sa kaharap mo ang papel." Iniabot ng babaeng katabi n'ya ang papel sa harapan nito at inutusan n'ya na basahin ang nakasulat."

Hindi pa man nababasa ng babae ang nasa papel at pinagpawisan ako bigla dahil sa tatlong salitang inisip ko.

"Mahal kita, kupal!" malakas na basa ng babae sa sulat.

"Putaaaaaaa!!!" Napatulala ako nang marinig ang sinabi ng babae at biglang tumibok nang mabilis ang puso ko, hiya at pagkailang habang pinapawisan ang makikita sa pagmumukha ko.

At di ako makatingin sa kanya.

"Bababa na ako," ang sabi n'ya na bumasag sa pagkagulat ko. Sabay biglang tayo sa kinauupuan, "Mahal din kita, at ayos lang maging kupal, basta alam kong mahal mo ako."

Hindi ko mapaliwanag ang init, kaba, at pagkailang ko, na halos nasa sahig na ako nakatingin.

Gulat na gulat ako at di makapaniwala, alam kong magician sya, pero kakaiba ang pakiramdam na naramdaman ko, para n'ya akong pinaso ng mainit na bakal.

At tuluyan na s'yang bumaba.

Pagkaalis ng jeep ay naalala kong may papel at don nakasulat ang nasa isip ko.

"Ate nasan na 'yong papel?" Iniabot sakin ng babae ang papel ngunit ang nakasulat lamang doon ay, "ito number ko, pagnakita mo 'to, text ka."

"Ate nasan yong sinulat nya na binasa mo?"

"Eh?! Ayan yon ah, nakasulat dyan kanina, Mahal kita, kupal."

"Wala naman ah?!" Nagkatitigan kami, at agad kong pinakita sa unang babaeng humawak sa papel at tinanong kung anong nasa papel, ang sabi naman n'ya ay ganun din.

Lahat kami ay nahiwagaan, at napaisip at napatulala...

Nag-iisip kung paano n'ya ginawa.

Naisipan kong itext ang number at, nag-reply lang sya ng, "hindi na kita iiwan."

Huminto ang jeep at may bumaba, at sa pagbaba ng ibang pasahero ay muli kong nakitang sumakay ang kupal na Magician.

"Oi, 'andito kapa pala?"

Tumabi s'ya sa akin at may kinuha sa plastic na dala.

"Oh, sayo 'yong isa," alok n'ya sa akin.

"Ano 'yan? Ayaw ko!" tanggi ko sa kanya.

"Ayaw mo? Ice cream? Magnum doubles, 3 bars yan." muling alok n'ya sa akin.

Kinuha ko ang box at binuksan— sabay kuha sa, Magnum almond.

"Akala ko di mo pa kukunin eh," ang sabi n'ya.

"Ba't ka sumakay ulit dito?" tanong ko.

"May naiwan kasi ako, mahalaga, hindi ko kayang mawala."

"Ang korni, ano ba naiwan mo?" muli kong tanong na medyo naiirita.

"Ikaw, isasama na kita. Diba hindi na kita iiwan?"

Bigla n'yang pinisil ang pisngi ko sabay nguso sa labi ko, na may dumi raw, alam kong nagkalat ang ice cream sa labi ko pero di ko inaakalang ilalapit n'ya ang kanyang kamay para punasan ang labi ko, napapikit ako't di nakagalaw, nang ididilat ko na ang aking mga mata ay nakita kong ang nga labi na n'ya ang nasa labi ko't ramdam ko ang lambot no'n.

"Arghhhh shit, putangina!" sigaw ko sa isipan ko nang maramdaman ang halik n'ya ngunit hindi ako makakilos para paalisin s'ya.

"Kriiiiiiiiiing!!! Kriiiiiing!!!'

Isang malakas na ingay mula sa alarm ko.

Nanaginip lang pala ako.

"Pakiramdam ko, totoo ang lahat, tangina." sa isip-isip ko napapamura na ako at nanggigil dahil sa nangyari sa panaginip ko.

Tumayo ako't napansing may message ang phone ko.

"Hon, nag-iwan ako ng favorite mo, nasa refrigerator. Tulad ng dati, Magnum. I love you."