Kun

KUN HABEEN IYO HABEEN QEYBTII 18-aad: Caawo iyo Sheekada oo meel xun gaartay

Cabdiraxmaan Anteeno 

QEYBTII 18aad:

Sheekada qeybtii hore waxay noo mareysay markay dhahday naagtii saaxirada aheyd in hadii la rabo inaan sixirka ka furo ninkaan ay qasab noqoneyso inaan dilo cifriitka waxaana laga yaabaa in boqortooyada halis gasho dad badanan ku baaba,aan.

markaas ayuu boqorkii dhahay wixii dhacaa haka dhacaane ninkaan sixirka ka fur.

HABEENKII 15aad:

markaas ayay naagtii saaxirada aheyd soo qaaddatay buug ay ku qorantahaya luuqada cibraaniga iyo weel biyo kujiraaan,

markaas ayay wax akhrisay kadibna iyadoona goobo weyn sameysay, markaas ayuu qasrigii oo dhan mugdi noqday anagoo umaleynay in aduunkii oodhan daba gadoomay,

mise waaba cifriitkii oo kusoo baxay muuqaal kii ugu fool xumaa asigoona holac ka kacaayo,

markaas ayay saaxiradii ku dhahday ” soo dhaweyn iyo salaan midna ma lihid”

markaas ayuu cifriitkii inta isku yeelay muuqaal libaax yiri “khaa,inad yahay sidee dhaartii uga bixi kartaa?  soo kuma heshiinin inaanan midkeen kan kale hor istaagin?

markaas ayay kudhahday ma adoo ina ibliis ah ayaad aniga dhaar igala hadleysaa?

markaas ayuu cifriitkii yiri hadaba dhibkii aad uyeeratay waa kane qabso.

markaas ayuu inta afka kala taagay naagtii ku booday, markaas ayay dagdag inta tin kamid ah timaheeda uqabsatay ayay gilgishay,  markaas ayay tintii seef inta isku badashay cifriitkii labo ukala gooysay,     markaas ayuu madaxii cifriitkii isla markiiba isku badalay dib qalooc (hangarale) saaxiradiina abeeso weyn, iyadoo halkii dagaal culus ku dhexmaray.

marba labadooda midkii laga adkaan rabo wuxuu isku yeelayay muuqaal kale ilaa uu markii dambe cifriitkii isku badalay dhimbil dab ah oo uu damcay inuu gubo qasrigii oo dhan neef kasta oo afkiisa kasoo baxdana waxay aheyd holac taasoo galaafatay dad badan oo uu boqorkeenii kamid ahaa anigana qeybo kamid ah jirkeyga ayaa gubtay ishana dhaawac culus ayaa markaas iga soo gaaray anoo wali daanyeer ah.

markaas ayaan wada yaqiinsanay inaan halaagsanay oona dhimanay, balse naagtii saaxirad aheyd ayaa dagdagtay oona barkad meesha ku taalay biyana ka buuxaan inta waxa ku akhrisa jinigiina qabatay barkidii ku tuurtay kadibna ka dabo gashay.

wuxuu dagaalkii socdoba saaxiradii ayaa biyihii kasoo baxday iyadoo gacanta ku heysa madaxii cifriitkii oo isku badalay burbur.

markaas ayaan takbiirsanay oona faraxnay lkn nasiib xumo saaxiradiina iyadoo dhaawac daran qabto ayay soo baxday markaas ayay wax igu akhrisay oo aan qaabkeygii hore markii laga reebo isha dhaawaca iga soo gaaray caadi kusoo noqday.

mudo yyar kadibna saaxiradii dhaawacii ayay udhimtay markaas ayaa dadkii magaaladii joogay tacsi weyn dhigeyn iyagoo ubaroor diiqayo dhimashadii ku timid boqorkoodii oo ay aaad ujeclayeen.

subaxii dambe aya waxaa ii yimid maamulkii ugu sareeyay boqortooyada waxayna igu dhaheen “nin yahow anaga mudo dheer ayaan halkaan daganahay wax musiibo ahna ma aana arki jirin ilaa aad adiga nooga imaaday oo musiibadaan nagu dhacday,   marka ma rabno in musiibo kale nagu sii dhacdo ee isaga tag magaaladaan”

sidii ayaana magaalada uga soo baxay anoo aad umurugeysan kana xun wixii gabadhii ku dhacay iyo sida naxariis darada aheyd ee loo dilay iyo boqorkii dhibkii aniga darteey usoo gaaray.

markaas ayaan madaxa iska soo xiiray halkiina kasoo safray ilaa aan ka imid magaalada baqdaad waxaana halkaan kula kulmay labadaan nin oo meeshii ayaana iska soo raacnay ilaa aan gurigaan ka imaanay.

markaas ayuu khaliifkii HAARUUN AL-RASHIID ku yiri waziirkiisii jacfar ahaa wlhi sheekadaan mid lamid ah waligey ma aanan maqlin.

markaas ayay gabdhihii faqiirkii labaad kudhaheen waad fasaxantahay ee orod oo iska bax,

markaas ayuu dhahay maya wlhi baanan baxeyn ilaa aan ka maqlo sheekada labadaan nin.

kadibna waxaa soo kacay faqiirkii sadaxaad oo sheekadii bilaabay.

SHEEKADII FAQIIRKII SADAXAAD.

Wuxuu sheekadiisa ku bilaabay.

aniga waxaan ahaa boqor waxaana ka talin jiray xeeb udhow jaziirado badana ku yaalaan,  waxaana aad ujeclaa safarka.

maalintii dambe ayaaan safar 10markab ka kooban diyaariyay markaan mudo jidka kusii jirnay ayaa waxaa na qabsatay duufaan aad uculus,

markaas ayaan meel xeeb ah dagnay inta duufaanta ka dageyso anagoo joognay mudo labo maalmood,

markey duufaantii dagtay ayaan soo baxnay mudo markaan jidka kusoo jirnay ayaa waxaa dhacday waxaan dareenay inaan jihadii ka dhunay,

markaas ayuu kabtankii markabka waday ku yiri ninkii naaduurka ahaa (naaduur waa qofka markabka dushiisa saaran ee fiiriya waxa markabka ka horeeyo kabtankana la socodsiiyo si uusan markabka shil ugalin ama buur iwm ugu dhicin) maxaad aragtaa ??

markaas ayuu naaduurkii yiri wlhi waa wax iga yaabiyay ayaan arkaa waana wax madow oo wareegsanaya markastana noo soo dhawaanaya.

markaas ayuu kabtankii yiri inaa lillaahi wa inaa ileyhi raajicuun waan halaagsanay,

markaas ayaan ku dhahay maxaa dhacay oo sidaas uleedahay?

wuxuu igu yiri boqorkeygoow waxa madow ee naga horeeya waa buur weyn oo birlab ka sameysan waxaana ku maqlay sheekooyin badan.

Wey Socotaa….