Картошка ва қиймали таом

Картошка ва қиймали таом

Керакли масаллиқлар:

·        1 та катта картошка

·        Туз, қора муруч ва озгина болгар қалампири кукуни

·        1 ош қошиқ ёғ

·        150 гр қийма

·        100 гр қаймоқ ёки сметана

·        30-40 гр сыр

·        Кўкатлар

·        25 гр сариёғ

·        15 гр ун

·        200 гр сут

Тайёрланиш жараёни:

1.      1 та катта картошкани расмда кўрсатилгандек 4-5 та паррак қилиб тўғраб оламиз.

Калка қоғози устига қўйиб оламиз.

2.      Сўнгра расмда кўрсатилгандек пичоқ ёрдамида устини озгинадан кесиб чиқамиз (яхши пишиб чиқиши учун).

3.      Устига озгина ёғ суртиб, туз, қора муруч ва озгина болгар қалампир кукуни сепиб қизиган духовкага қўйиб 170°C ҳароратда 20 дақиқа давомида пишириб оламиз.

4.      Тавага 1 ош қошиқ ёғ солиб устига 150 гр қийма соламиз ва суви чиқиб кетгунича қовурамиз.

5.      Кейин, 100 гр қаймоқ ёки сметана солиб йўқ бўлиб кетгунича ўрта оловда қовурамиз, қовуриш давомида таъбга кўра туз ва қора муруч солиб қовурамиз.

6.      Соус тайёрлаб оламиз, бунинг учун қозончага 25 гр сариёғ солиб эритамиз, сўнгра 15 гр ун солиб қовурамиз, кейин 200 гр сут солиб венчик ёрдамида тез аралаштириб 5 дақиқа кавлаб турамиз.

7.      Махсус идишга озгина сариёғ суртиб картошканитериб чиқамиз.

8.      Кейин, картошка устига қиймани соламиз ва қийма устига соусни қуйиб 30-40 гр сырни қирғичдан чиқариб соламиз ва таъбга кўра кўкат сепамиз.

9.  Қизиган духовкага қўйиб 170°C ҳароратда 10-15 дақиқа давомида пишириб оламиз.

ЁҚИМЛИ ИШТАҲА!