Kor

​Тошкентда 56 яшар аёл тўйга бориб, коронавирус юқтириб олди

Париждан келган биринчи бемор билан 10 кун олдин тўйда мулоқотда бўлган аёлда коронавирус аниқланди.

Кеча, 22 март куни аёл 1964 йилда туғилган М.Т. Республика вирусология илмий текширув институтига ўзида коронавирус (Covid-19) касаллиги мавжудлигини текшириш мақсадида қон таҳлилларини топширган. 

Бироқ, у таҳлил натижасини кутмасдан, карантинли ва инсон учун хавфли бўлган бошқа юқумли касалликлар пайдо бўлиши ёки тарқалишининг олдини олиш мақсадида белгиланган қоидаларни бузиб, Қибрай тумани Роҳатбахш кўчасидаги хонадонга келиб, фуқаролар билан мулоқотда бўлган.

Таассуфки, таҳлиллари натижасига кўра, М.Т.да коронавирус (Covid-19) аломатлари аниқланган ва у тиббиёт муассасасига жойлаштирилган.

Мазкур ҳолат бўйича маъмурий иш қўзғатилди. Айни пайтда Ўзбекистонда коронавирус аниқланган ҳолатлар сони 46 тага етди

Ҳодиса жойига Қибрай тумани карантин гуруҳи чиқиб, ҳуқуқбузар мулоқотда бўлган шахсларнинг яшаш жойлари дезинфекция қилиниб, барчаси Чирчиқ шаҳар юқумли касалликлар шифохонасига карантинга ётқизилган.

@Jizzax