Картошка

Картошка — иккинчи нон деган гап бор. Чиндан ҳам, тўйимлилик ва фойдалилик жиҳатдан у жуда беназир маҳсулот. Картошканинг 20-25 фоизи углеводлар (крахмал), 2 фоизи оқсиллар ва 0,3 фоизи ёғлардан таркиб топган. Таркибида кўп миқдорда калий (100 гр. хом картошкада 568 мг), фосфор (50 мг), кальций ва темир моддалари, шунингдек, С, В, В2, В6, В РР, Д, К, Е витаминлари, фолий кислотаси, каротин ва органик моддалар мавжуд.

🛡Фойдали хусусиятлари

🥔Таркибида калий кўп бўлгани учун картошка организмдан ортиқча туз ва сувни ҳайдайди, бу эса модда алмашинувини яхшилайди. Айни сабабга кўра, картошка парҳез пайти жуда фойдали, фақат меъёрни унутмаслик лозим. Чунки жуда калорияли маҳсулот бўлгани учун семизликка мойил одамларга уни камроқ ейиш тавсия этилади.

🥔Терида аллергия сабабли пайдо бўлган доғлар, куйиш жароҳатлари, майда томирлар ёрилиши оқибатида юзага келган кўкаришларни бартараф этиш учун ўша жойни ҳар куни хом картошка бўлаги билан артиш тавсия этилади.

🥔Картошкали ниқоб теридаги чарчоқни бартараф этади. Қайнатиб пиширилган картошкани яхшилаб эзиб, қуюқ бўтқа ҳолига келтирасиз. Озгина сут ва битта тухум сариғи қўшасиз. Аралаштириб, илиқ ҳолда юзга суртасиз ва устида қалинроқ мато ёпиб, 20 дақиқа тепага қараб ётасиз. Аввал илиқ, кейин қайнатиб совутилган сув билан ювиб ташлайсиз. Бу ниқоб терини озиқлантириб, ажинларни йўқотади, юзингизни таранг ва силлиқ қилади.

🥔Картошка шарбатини сабзи, сельдерей илдизи шарбатларига қўшиб истеъмол қилсангиз, овқат ҳазм қилиш яхшиланади ва асабий таранглик йўқолади.

🥔Агар гўшт ва балиқ маҳсулотларини таомномангиздан чиқариб ташлаб, ҳар куни картошка, сабзи, бодринг ва лавлаги шарбатидан умумий ҳисобда 500 мл миқдорида сув билан аралаштирган ҳолда истеъмол қилсангиз, озиш учун тутган парҳезингиз тезроқ самара беради.

🥔Юрак фаолияти издан чиққанда кунига уч маҳал оч қоринга 100 мл картошка шарбатини истеъмол қилсангиз (уч ҳафта давомида), сўнг 1 ҳафта танаффус қилиб, яна шу даволаш курсини такрорласангиз, кўрмагандек бўлиб кетасиз.

🧬Ич қотганда эрталаб оч қоринга 1 стакан хом картошка шарбати ичиш фойдали. Кейин ярим соат ўринда қимирламай ётасиз. Бир соатдан сўнг нонушта қилса бўлади. Муолажани 10 кун кетма-кет такрорласангиз, ич қотиши барҳам топади.

🧬Агар ҳар куни илиқ картошка қайнатмасига 5 дақиқа давомида қўлларингизни солиб турсангиз, териси силлиқ ва майин бўлади. Тирноқларингиз ҳам мустаҳкамланади.

🧬Ҳар куни қуюқ картошка қайнатмасидан ичиб туриш орқали энг кучли замбуруғли касалликларни ҳам енгиш мумкин.

🧬Бронхит хуруж қилганда картошкани пўсти билан қайнатиб олиб, арчиб, эзиб, 1 ош қошиқ ўсимлик мойи ва 2-3 томчи йод қўшасиз. Аралашмани матога ёйиб, илиқ ҳолда кўкрак қафасига қўясиз. 20 дақиқага жункўрпа билан ўраб қўясиз. Буни фақат тунги уйқудан олдин қилиш керак.

🧬Қон босими ошганда газ печида пиширилган картошкани пўсти билан ейиш керак.

🧬Бавосил (геморрой)да хом картошкани қирғичдан чиқариб, шарбати олинади. Тунги уйқудан олдин кичкина тиббий пуркагич (спринцовка) ёрдамида ҳуқна қилинади. Муолажани 10 кун такрорлаш керак. Ёки хом картошкадан кичкина шамча ўйиб олиб, тунги уйқудан олдин орқа тешикка қўйиш ҳам яхши фойда беради.

🧬Камқонлик ва бўқоқда янги сиқиб олинган картошка шарбатидан кунига 2-3 марта овқатланишдан 30 дақиқа олдин ярим стакандан ичиш тавсия этилади. Даволаш 2-3 ҳафта давом этади.

🧬Сўгалларни йўқотиш учун хом картошкани кесиб, кесилган томони билан сўгал ишқаланади. Йирингли яраларни тезроқ тузатиш учун эса хом картошкани қирғичдан чиқариб суртилади. Муолажани ҳар 3 соатда такрорлаш даркор.

🧬Ошқозон ва 12 бармоқ ичак ярасида тозаланган картошкани сирланган идишда тузсиз сувда қайнатилади. Қайнатмани ҳар куни 3 маҳал ярим стакан-бир стакандан ичиб туриш керак.

🚧Эҳтиёт бўлинг!

Кўкариб, гуллай бошлаган эски картошка таркибида заҳарли соланин моддаси бор. Шу сабабли бундай картошканинг пўсти қалинроқ артилиши керак. Ҳеч қачон картошкани сирланмаган ёки мис идишда пиширманг, акс ҳолда у ўз таркибидаги С витаминини кўп йўқотади. Агар картошкани пўсти билан қайнатсангиз, С витамини кўпроқ сақланиб қолади.

Сабзавот ва полиз экинлари витаминлар манбаи бўлиб, улар кўп дардга шифо, жумладан, картошка ҳам шифобахш неъматлардан бири ҳисобланади.

🥔Картошка ўз таркибида оқсил, ёғ, углеводлар, органик кислоталар, В1, В2, РР, С,D,K,E,A витаминлари, натрий, калий, магний, кальций, темир, фосфор, йод каби элементларни сақлайди. Шунингдек, бу сабзавот оқсил инсон саломатлиги учун зарур бўлган аминокислоталари мавжудлиги билан ҳам севиб истеъмол қилинади. Одамлар орасида картошкани “иккинчи нон” ҳам деб аташади. Чунки, у ҳам нон каби меъдага тегмайди. У нафақат тўйимли хусусияти, балки ўзининг шифобахшлиги билан ҳам бошқа полиз экинларидан ажралиб туради.  

🥔Бодомча безлари яллиғланганда, яъни ангинада янги сиқиб олинган картошка шарбатини 1 соат тиндиринг. Сўнгра клюква шарбати билан қўшиб, 1кунда 3 маҳал 2 стакандан ичинг.

🥔 Майда картошкани олиб (туганаклар ёки картошка пўчоғи ҳам бўлади) яхшилаб ювинг ва уни унча кўп бўлмаган сувда қайнатинг. Чунки буғ сувдан эмас, картошкадан келиши керак. Унинг буғини оғзи ва бурнингиз билан 10-15 дақиқа давомида ичингизга ютинг. Ингаляциядан сўнг дарҳол ўраниб ётинг. Агар яллиғланиш жараёни ўткир кечаётган бўлса, муолажани 2 марта, эрталаб ва кечқурун бажаринг. Аритмия юрак ритмининг бузилишида мунтазам равишда картошкали муолажа кунларини ўтказинг. Картошкани қириб шарбатини, унинг қайнаган сувини ичинг ёки димланган, пиширилган картошка сувини ёки ўзини истеъмол қилинг.

🥔Болдир ва бўғимлардаги оғриқни қолдириш учун оғриган жойга кўкарган картошкани қирғичдан ўтказиб компрес (бозиллама) қилиб қўйинг. Картошканинг пўчоғини арчмай, уни тозалаб ювиб, сўнгра майдаланг. Ҳосил бўлган массани қайноқ сувга солиб иситинг. Сув ҳарорати 38 С даражага етиши керак. Сўнг оёққа ёки қўлга мослаб тикилган махсус бўз қопчани оғриқли жойга мослаб тикилиши зарур. Кейин беморнинг тагига клеёнка тўшаш даркор. Картошка қатлами эса 1,5-2 см ни ташкил этиши керак. Дастлаб қопчани оғриқли соҳага кийгизинг, устидан клеёнка билан ўраб сувини оқизмаслик учун бинт билан ҳам яхшилаб ўранг. Ушбу бозиллама билан ухлашга ётинг. Оёқ ёки қўлингиз ёстиқ устида бўлсин. Танангизга иссиқ ўтиши билан ухлаб қоласиз. Агар бозиллама оғриган жойингизни иситмаса, демак, у ёмон тайёрланган. Оғриқ 20-30 дақиқадан сўнг ўтиб кетади. Бу ҳолат янги хуружгача безовта қилмайди. Ушбу бозилламани ҳар куни кечаси такрорланг. Аввал уни 7 кун қўйиб кўринг. Қолган компресларни муолажа самарасига қараб қўясиз. Агар оғриқ муолажанинг 2 ёки 3 кунида ўтиб кетса яна компресс қилишга зарурат қолмайди.

☝Картошка ёшу қари учун севимли таом сифатида жуда қадрли. Унинг ошхонада кенг қўлланилиши нафақат ейишли эканлигидан, балки ўта шифобахшлигидандир. Ундан тайёрланадиган минглаб таомлар қаторида бир қанча шифобахш дамлама ва қайнатма ҳам мавжудки, уни халқ табобатида энг шифобахш дармондори, деб аташади.

🧬КАРТОШКА ВИТАМИНГА БОЙ САБЗАВОТ

🥔Картошка шифобахш маҳсулот. Унинг таркибида тахминан, 20-25 % углевод (крахмал) бор. Бундан ташқари, унда етарлича оқсил моддаси ва ёғ мавжуд. Картошкадаги оқсил моддаси турли хил аминокислоталарга тўйинган. Унда кўп миқдорда калий (100 граммига 568 мг), фосфор (50 мг), сезиларли даражада магний, кальций ва темир моддалари, С, В, В2, В6, В РР, Д, К, Е витаминлари, фоли кислотаси, каротин ва органик кислоталар (олмали, шовулли, лимонли, қаҳвали ва хлорогенли) сақланади.

КАРТОШКАНИНГ ШИФОБАХШ ХУСУСИЯТЛАРИ:

🥔 Таркибида калий кўплиги туфайли картошка организмдан сув ва тузнинг чиқиб кетишига ёрдам беради, модда алмашинувини яхшилайди. Бундан ташқари, жуда парҳезбоп таомлиги билан барчага бирдай ёқади. Шунинг учун ҳам уни ҳаттоки атеросклероз, юрак-қон томирлари ва гипертоник касаликларга ҳам тавсия этиш мумкин.

Картошка таркибида углеводларнинг кўплиги сабабли унинг калорияси бошқа сабзавотлардан 2-3 баравар юқори даражада.

🥔 Парҳезшуносларнинг фикрича, картошкада крахмал жуда тоза ҳолатда бўлади ва у инсон организмига осонликча ўзлашмайди. Мана шу сабаб уни шундайлигича истеъмол қилиш буюрилмайди.

🥔 Бундан ташқари, картошкадаги оқсил, аскорбин кислотаси ва кўплаб витаминлар унинг қудратини оширади.

🛡КАРТОШКА ЖАРОҲАТНИ ИЗСИЗ ДАВОЛАЙДИ

🥔Дарҳақиқат, картошка аллергия туфайли пайдо бўлган доғларни, куйишдан қолган жароҳатни, битиши қийинлашган яраларни ва ёрилган томирларни даволашда энг яхши дармондори. Бунинг учун уни паррак-паррак қилиб кесиб, яра устига босишингиз ёки қирғичдан ўтказиб, бўтқа ҳолатида жароҳатга қўйишингиз лозим.

🎭КАРТОШКАДАН КОСМЕТОЛОГИЯДА…

🥔Картошкани қирғичдан ўтказиб, ундан юзингизга ниқоб тортсангиз, юзингиз териси тозаланади ва чарчоқ излари йўқолади.

🥔 Қайнатиб пиширилган картошкани эзиб, озроқ тухум сариғи ва иссиққина сут билан яхшилаб аралаштиринг. Токи, ундан жуда қуюқ ҳолатдаги суртма ҳосил бўлсин. Ана шундан кейингина уни иссиқ ҳолатда юзингизга суртинг ва ниқоб устидан иссиққина шарф билан ёпиб қўйинг. Иложи бўлса, шерст мато бўлса, янаям яхшироқ. Ниқобни ана шундай ҳолатда 20 дақиқа ушлагач, уни олиб ташлаб, аввал иссиқ сув, кейин эса совуқ сув билан чайиб ташланг.

🥔 Картошка ниқоб юзга нафақат уни тозалаш учун, балки терини тўйинтириш ва ажинлардан халос этиш учун қўлланилади. Қуруқ юзни юмшатади, силлиқ ва таранг бўлишига ёрдам беради. Айниқса, 40 ёшдан кейин юзни парваришлашда янги картошкани пўчоғи билан қайнатиб, пюре ҳолатда озроқ сметана ёки қаймоқ аралаштириб, суртинг ва 20 дақиқадан сўнг чайиб ташланг. У юзингизни анчагина ёшартиради.

🍶ЯНГИ КАРТОШКА ШАРБАТИ – ТОЗАЛОВЧИ ДАРМОНДОРИ

🥔 Сабзи ва селдерей шарбатини картошка шарбатига тенг миқдорда аралаштириб ичсангиз, овқат ҳазм бўлишини яхшилайди, асаб тўқималарини тинчлантиради ва бўқоқни енгиллаштиради. Бунинг учун ҳар куни оз-оздан бўлса-да, уларни аралаштириб ичиб туринг. Унга бодринг ва лавлаги шарбатини қўшсангиз, янада фойдалироқ бўлади. Бундай шарбатни ичаётганда овқатланиш рационингиздан балиқ ва гўштни олиб ташласангиз ҳам бўлади.

🛡ЮРАК ФАОЛИЯТИДА МУАММО ТУҒИЛГАНДА…

Бундай вақтда кунига 3 маҳал, оч қоринда, 100 мл дан картошка шарбати ичиб турилса, кифоя. Уч ҳафталик бу муолажа юрак фаолиятини батамом яхшилайди. Агар натижа кутганингиздай бўлмаса, орада 1 ҳафта танаффус қилиб, муолажани яна бир карра такрорланг. Муолажа давомида ҳаммаси бўлиб, 5 литрдан 15 литргача картошка шарбати ичиш мумкин.

🛡ОШҚОЗОН-ИЧАК ФАОЛИЯТИ БУЗИЛГАНДА…

* Ошқозон фаолияти бузилиши оқибатида пайдо бўлган гастрит, кислотанинг ошиб кетиши, ошқозон ва ичак яллиғланиши ҳамда ундаги ярани даволаш, қабзиятдан халос бўлиш учун картошка шарбати жуда фойдали. Бундай вақтда ҳар куни наҳорда, оч қоринда 1 стакандан картошка шарбати ичиш шундан кейин эса 0,5 соатга тиниқиб ётиш лозим. Ана шундан сўнг нонушта қилиш мумкин. Ўн кунлик муолажадан кейин 10 кун танаффус қилиб, яна муолажани такрорланг.

🥔Бу муолажа ошқозон катари, яъни ошқозон шиллиқ пардаларининг яллиғланиши ва ярасини ҳам даволайди.

🛡ҚЎЛ-ОЁҚ КАФТИ ВА ТОВОН ЁРИЛГАНДА…

🥔Агар қўл ва оёғингизни кунига 1 марта картошка қайнатмасига 5 дақиқа ботириб ўтирсангиз, уларнинг териси жуда юмшайди ва асло ёрилмайди.

🥔Картошка қайнатмасига ванна қилиш орқали қўл ва оёқ тирноқларини синишдан асраш мумкин. Бунинг учун ундан ҳафтада 1 марта фойдалансангиз кифоя. Бу ванна оёқдаги замбуруғ касаллигини ҳам даволайди.

☝🚧Эслатма: Картошкани ҳеч қачон  тунука ва мис идишда қайнатманг. Чунки уларда қайнатилган картошка ўзидаги С витаминини йўқотади. Иложи борича уни буғда пиширинг. Сувда қайнаган картошкадан кўра буғда пишгани ўз шифобахшлик хусусиятини кўпроқ сақлайди. Айниқса пўчоғи билан буғлантириб пиширилган картошкада С витамини тўлиқ сақланади.

🛡НАФАС ЙЎЛЛАРИ КАСАЛЛИКЛАРИ АЗОБ БЕРГАНДА…

🥔 Маълумки, картошка ўз шифобахш таркиби билан нафас йўлларидаги миуаммоларни ечишга ҳам ёрдам беради. Нафас йўллар катари, яъни нафас йўлларининг яллиғланиши, бронхит ва астмани даволашда унга тенг келадигани йўқ. Бунинг учун картошкани ювиб тозалаб, пўчоғи билан (иложи бўлса янги қазилган картошка бўлсин) қайнатинг. Сўнг, уни яхшилаб эзиб, 1 ош қошиқ ўсимлик мойи, 2-3 томчи йод қўшинг ва яна аралаштиринг. Тайёр аралашмани иссиқлигича пахталик мато ёки салфеткага қўйиб, кўкракдан токи томоққача компресс қилинг. Устидан юмшоқ сочиқ билан ёпиб, ухланг.

☝🚧Эслатма: Бу малҳамни кечаси ухлашдан олдин қўллашингиз лозим. Бас, шундай экан, уни ана шу вақтнинг ўзида тайёрланг.

🛡КАРТОШКАДАН ИНГАЛЯЦИЯ

Картошкани яна юқоридаги каби қайнатинг ва у пишгач, сувдан чиқармай, ичида яхшилаб эзинг. Эзилган картошкали суюқ бўтқа бироз совугач, унинг буғига оғзингизни очганча, юзтубан ҳолатда туриб, чуқур-чуқур нафас олинг. Бундай ингаляция билан томоқ йўлидаги шамоллашдан, томоқ безларининг шишиб оғришидан халос бўласиз. Шунинг баробарида, томоқ йўлидаги балғам пишиши ва кўчишига ёрдам берасиз.

🛡ҚОН БОСИМИ ОШГАНДА…

🥔Гипертония (артерияда қон босимининг ошиб кетиши) туфайли азобланганда пўчоғи билан қўрда пиширилган картошкани ейиш энг яхши танлов. Бундан қон босими дарҳол тушиб, бош оғриғи барҳам топади.

🛡ГЕМОРРОЙ ҚИЙНАГАНДА…

🥔 Хом картошкани қирғичдан ўтказиб, дока ёрдамида сиқиб, сиздириб олинг ва ундан дорипуркагичга 2-3 мг тортиб, йўғон ичакдан юборинг. Бу муолажани 10 кун давомида, кечаси ухлашдан олдин қўлласангиз, оғриқлардан қутиласиз.

🥔 Худди шундай картошкадан кичик бармоқ катталигида қаламча кесиб олинг ва кечаси ухлашдан олдин йўғон ичакка свеча каби борича қўйинг. Тонг отганда ҳожатга борганингиздаёқ қаламча дармондори тушиб кетади. Бу муолажани ҳам 10 кун давомида ҳар кеча ухлашдан олдин қўлласангиз, гемаррой ғуддаларидан қутиласиз. Агар қўлбола свичанинг қуввати ва намлигини оширмоқчи бўлсангиз, уни асалга ботириб олиб, сўнг қўлланг.

🛡СУРУНКАЛИ ЙЎТАЛГА ҚАРШИ КАРТОШКАЛИ КОМПРЕСС

🥔4-5 дона ўртача катталикдаги картошкани пўчоғи билан (титилиб кетмаслиги учун) қайнатинг. Тайёр картошкани иссиқлигида паррак-паррак қилиб кесиб, кўкрак ҳамда томоқ устига ёйиб қўйилган қоғозга териб чиқинг ва унинг устидан иссиқ чойшаб ёпиб қўйинг. Бу муолажани ҳам 10 кун давомида, кечаси ухлашдан олдин қўлланг.

🛡КАРТОШКА СЎГАЛГА ҚАРШИ…

🥔Сўгални йўқотмоқчимисиз? Бунинг учун кичикроқ картошкани иккига бўлинг ва унинг кесилган томони билан сўгал устига ишқаланг. Бундай муолажани узлуксиз ҳолатда ҳар куни 2-3 маҳал қўлласангиз, сўгал тугаб битади.

🛡ЙИРИНГЛИ ЯРАГА ҚАРШИ ШИФОБАХШ МАЛҲАМ

Тананинг қаеридан бўлмасин, безли, йирингли яра чиқса, унга қирғичдан ўтказилган хом картошкани малҳам қилиб босинг. У тез кунда жароҳатни пишириб, йиринг ва зардобни сўриб чиқаради, шамоллаш ва газакни олади. У чипқон, чиқиқ, зиндони каби йирингли ва оғриқли яраларни тез кунда даволайди. Бунинг учун эса яраларга кунига бир неча марта (ҳар 3 соатда алмаштириб туриш лозим) картошкали малҳамни қўйинг.

🛡КАРТОШКА ШАРБАТИ АНИМИЯДАН ХАЛОС ЭТАДИ

Анемия (камқонлик) ва базедов (қалқонсимон без функциясининг бузилиши натижасидаги касаллик) касаллиги билан оғриган кишига янги тайёрланган картошка шарбати жуда фойдали. Бунинг учун ундан кунига 2-3 маҳал, овқатдан 30 дақиқа олдин 0,5 стакандан  қабул қилинг. Муолажа муддати 2-3 ҳафта.

🛡ҚИЗИЛ КАРТОШКА ШАРБАТИ СУРУНКАЛИ БОШ ОҒРИҒИНИ ҚОЛДИРАДИ

Бунинг учун янги қизил картошка тугунакларидан тайёрланган шарбатдан кунига 3-4 маҳал, 0,5 стакандан 1 стакангача системали равишда ичсангиз, кифоя. Бу билан асаб толалари тиниқиб дам олиши, бош мия фаолиятининг меъёрлашуви ҳамда қон босимининг ўз ҳолатига қайтишига эришасиз.

☝🚧Эслатма: Юқорида келтирилган тавсияларга амал қилишдан олдин шифокар билан маслаҳатлашинг.

@Sunnah_products